ஓட்ஸ் இல் பலவகை உணவுகள் - ஓட்ஸ் கட்லெட் !

by **krishnaamma** Sat Jul 30, 2011 9:35 am

"ஓட்ஸ்" சமீபகாலமாக நிறைய பேரின் காலை உணவாக மாறிவருகிறது. சக்கரை நோயாளிகள், இருதய நோயாளிகள், எடை குறைப்பவர்கள் , கர்பிணிகள் என
அனைத்து தரப்பினரும் உபயோகிக்க ஆரம்பித்து விட்டார்கள். பிடித்தோ பிடிக்காமலோ டாக்டரின் அறிவுரை இன் பேரில் சாப்பிட ஆரம்பித்து விட்டார்கள்.
நாம் அதையே ஏன் சுவையான உணவாக சாப்பிடக்கூடாது, என யோசித்தத்தான் விளைவு தான் இந்த திரி புன்னகை

ஓட்ஸ் ஊத்தப்பம் : ஓட்ஸ் இல் பலவகை உணவுகள் - ஓட்ஸ் கட்லெட் ! 20130607074030

இது ஊத்தப்பம் வார்த்ததும் புன்னகை

ஓட்ஸ் இல் பலவகை உணவுகள் - ஓட்ஸ் கட்லெட் ! 20130607073643

இது வார்த்ததுக்கு அப்புறம் புன்னகை

இன்று ( 7-06-2013 எங்களின் காலை உணவு இது தான் )

by **krishnaamma** Sat Jul 30, 2011 9:41 am

இதை பல வழிகளில் போடலாம், ஒவ்வொன்றாக பார்போம.

தேவையானவை:

ஓட்ஸ் 2 கரண்டி
புளிக்காத தயிர் 1 கரண்டி
உப்பு சிறிதளவு

செய்முறை:

ஓட்ஸ் ஐ மைக்ரோ வேவ் பாத்திரத்தில் போட்டு அது மூழ்கும் வரை தண்ணீர் விட்டு 3 - 5 நிமிஷங்கள் வரை வைக்கவும்.
(ஒவ்வொரு ஓவன் ஒரு மாதிரி அதனால் தான் 3 -5 என்றேன். நீங்கள் ஒருநாள் வைத்து பார்த்து பின் உங்களுக்கு தேவையான நேரம் வைத்துக்கொள்ளவும்.)
வெளியே எடுத்ததும் நன்கு கிளறி, உப்பு தயிர் விட்டு கலக்கவும்.
வேண்டுமானால் தண்ணீர் விட்டுக்கொள்ளவும்
பருகவும்.
சத்தான கஞ்சி ரேயடு.
மதியம் வரை பசிக்காது புன்னகை

by **krishnaamma** Sat Jul 30, 2011 9:58 am

தேவையானவை:

ஓட்ஸ் 2 கரண்டி
ரசம் அல்லது குழம்பு 1 கரண்டி

செய்முறை:

ஓட்ஸ் ஐ மைக்ரோ வேவ் பாத்திரத்தில் போட்டு அது மூழ்கும் வரை தண்ணீர் விட்டு 3 - 5 நிமிஷங்கள் வரை வைக்கவும்.
(ஒவ்வொரு ஓவன் ஒரு மாதிரி அதனால் தான் 3 -5 என்றேன். நீங்கள் ஒருநாள் வைத்து பார்த்து பின் உங்களுக்கு தேவையான நேரம் வைத்துக்கொள்ளவும்.)
வெளியே எடுத்ததும் நன்கு கிளறி, ரசமோ குழம்போ விட்டு கலக்கவும்.
வேண்டுமானால் தண்ணீர் விட்டுக்கொள்ளவும்
பருகவும்.
சத்தான கஞ்சி தயார் .
மதியம் வரை பசிக்காது.

குறிப்பு:
வயசானவங்களுக்கு நாம் ஆவாளுக்கு தராமல் ஏதோ சமைத்து சாப்பிடுகிறோம் என்கிற எண்ணம் வரும், அதை தவிர்க்க வே இப்படி வேண்டுமானால் இதுல் மாவடு சாறு, வேற ஏதேனும் ஊருகாய் கூட போடலாம்

by **krishnaamma** Sat Jul 30, 2011 10:13 am

தேவையானவை:

ஓட்ஸ் 2 கரண்டி
துருவின கோஸ் 1 கரண்டி
உப்பு

செய்முறை:

துருவின கோஸ் ஐ மைக்ரோ வேவ் பாத்திரத்தில் போட்டு அது மூழ்கும் வரை தண்ணீர் விட்டு 3 - 5 நிமிஷங்கள் வரை வைக்கவும்.
பிறகு ஓட்ஸ் போட்டு மீண்டும் 3 -5 நிமிடங்கள் வைக்கவும்.
வெளியே எடுத்ததும் நன்கு கிளறி, உப்பு போடவும்.
வேண்டுமானால் தண்ணீர் அல்லது மோர் விட்டுக்கொள்ளவும்
பருகவும்.
சத்தான கஞ்சி தயார் .
மதியம் வரை பசிக்காது.

குறிப்பு: இது போல் காரட் துருவலையும் செயலாம்

by **krishnaamma** Sat Jul 30, 2011 10:16 am

தேவையானவை:

ஓட்ஸ் 2 கரண்டி
பூண்டு 4 - 5 பல்
உப்பு

செய்முறை:

பூண்டை மிகவும் பொடியாக நறுக்கி மைக்ரோ வேவ் பாத்திரத்தில் போட்டு அது 1 டம்ளர் தண்ணீர் விட்டு 2 நிமிஷங்கள் வரை வைக்கவும்.
பிறகு ஓட்ஸ் போட்டு மீண்டும் 3 -5 நிமிடங்கள் வைக்கவும்.
வெளியே எடுத்ததும் நன்கு கிளறி, உப்பு போடவும்.
வேண்டுமானால் தண்ணீர் அல்லது மோர் விட்டுக்கொள்ளவும்
பருகவும்.
சத்தான கஞ்சி தயார் .
மதியம் வரை பசிக்காது.

குறிப்பு: இது கொலஸ்ற்றால் உள்ளவர்கள் குடிக்க ஏற்றது.

by செய்தாலி Sat Jul 30, 2011 10:24 am

ஓட்ஸ் கஞ்சிதான் இங்கு எனக்கு காலை உணவு

இதுவரை வேகவைத்த ஒட்சில் பால் மற்றும் தேன் கலந்து சாப்பிட்டு வந்தேன்
நாளை முதல் உங்களின் செய்முறையை முயற்ச்சிக்கிறேன்

காலை உணவிற்கான நல்லா டிப்ஸ்

மிக்க நன்றி

by **krishnaamma** Sat Jul 30, 2011 10:30 am

நன்றி கவிஞரே புன்னகை

by **krishnaamma** Sat Jul 30, 2011 10:36 am

தேவையானவை:

ஓட்ஸ் 2 கரண்டி
பால் 1/2 கப்
சர்க்கரை அல்லது தேன்

செய்முறை:

ஓட்ஸ் ஐ மைக்ரோ வேவ் பாத்திரத்தில் போட்டு அது மூழ்கும் வரை தண்ணீர் விட்டு 3 - 5 நிமிஷங்கள் வரை வைக்கவும்.
வெளியே எடுத்ததும் நன்கு கிளறி, பால் மற்றும் சக்கரை போட்டு கலக்கவும்.
வேண்டுமானால் தண்ணீர் விட்டுக்கொள்ளவும்
பருகவும்.
சத்தான கஞ்சி ரேயடு.
மதியம் வரை பசிக்காது

குறிப்பு : சர்க்கரை வியாதி உள்ளவர்கள் கூட அதர்க்கான 'செயற்க்கை சக்கரையை ' போட்டுக்கொள்ளலாம்.ஓட்ஸ் ஐ பாலிலேயும் வேகா விடலாம்

by **krishnaamma** Sat Jul 30, 2011 10:45 am

நாம் குடிக்கும்போது குழந்தைகள் கேட்குமே, அதனால், அவர்களுக்கானது இது.

தேவையானவை:

ஓட்ஸ் 2 கரண்டி
பால் 1/2 கப்
வாழைப்பழம் அல்லது ஆப்பிள் துண்டாங்கள் 1/2 கப்
சர்க்கரை அல்லது தேன்

செய்முறை:

ஓட்ஸ் ஐ மைக்ரோ வேவ் பாத்திரத்தில் போட்டு அது மூழ்கும் வரை தண்ணீர் விட்டு 3 – 5 நிமிஷங்கள் வரை வைக்கவும்.
வெளியே எடுத்ததும் நன்கு கிளறி, பால் மற்றும் சக்கரை போட்டு கலக்கவும்.
ஆப்பிள் அல்லது வாழப்பழம் போடவும்
வேண்டுமானால் தண்ணீர் விட்டுக்கொள்ளவும்.
இல்லைஎன்றால் கெட்டியாக கப்பில் விட்டு ஸ்பூன் போட்டு கொடுக்கவும்.
சத்தான கஞ்சி இது .
மதியம் வரை பசிக்காது

குறிப்பு: இந்த கஞ்சி இல் உங்களுக்கு விருப்பமான பழங்கள் சேர்க்கலாம். 2 பழங்களை சேர்த்தும் போட்டுத் தரலாம்.

by **krishnaamma** Sat Jul 30, 2011 10:49 am

இதுவும் குழந்தைகளுக்கானது

தேவையானவை:

ஓட்ஸ் 2 கரண்டி
பால் 1/2 கப்
படம், முந்திரி , கிஸ்மிஸ் (உலர்ந்த திராக்ஷை) உலர்ந்த அத்திப்பழம் 1/4 கப்
சர்க்கரை அல்லது தேன்

செய்முறை:

ஓட்ஸ் ஐ மைக்ரோ வேவ் பாத்திரத்தில் போட்டு அது மூழ்கும் வரை தண்ணீர் விட்டு 3 – 5 நிமிஷங்கள் வரை வைக்கவும்.
வெளியே எடுத்ததும் நன்கு கிளறி, பால் மற்றும் சக்கரை போட்டு கலக்கவும்.
போடவும்
உலர் பழங்கள் போடவும்
வேண்டுமானால் தண்ணீர் விட்டுக்கொள்ளவும்.
இல்லைஎன்றால் கெட்டியாக கப்பில் விட்டு ஸ்பூன் போட்டு கொடுக்கவும்.
சத்தான கஞ்சி இது .
மதியம் வரை பசிக்காது

குறிப்பு: இந்த கஞ்சி இல் உங்களுக்கு விருப்பமான பழங்கள் + உலர் பழங்கள்சேர்க்கலாம்.