அன்னை பார்வதிக்கு வீரவணக்கம்!

by **பார்த்திபன்** Fri Jul 29, 2011 7:46 pm

வீரவணக்கம்!

சிங்கத்தைப் பெற்ற தங்கமே!
எரிமலையைச் சுமந்த பரிமளமே!

சூரியனைப் பிரசுவித்த மெழுகுவர்த்தியே!

தூங்கிப்போன தூயவளே!

கர்ம வீரனைப் பெற்று களமாடத் தந்தாய்!
தர்மத் தாயாய் தமிழர் நெஞ்சங்களில் நின்றாய்!

சிறந்த படைப்பிற்கு நோபல் பரிசென்றால், நூறு நோபல்கள் உனக்கு தரலாம்!
எம் தலைவனை விடச் சிறந்த படைப்பு இத்தரணியில் வேறு உண்டோ!

உன் மறைவால் இன்று வல்வெட்டி வாழாவெட்டி ஆனது!
நீ காலனை வெல்வாய் என்ற எம் கனவுகள் காலாவதி ஆனது!

வானத்து சூரியனைத் தந்தது அந்தப் பால்வெளி என்றால்,
ஈழத்து சூரியனைத் தந்தது எங்கள் அன்னை பார்வதி!

தேக நோய்களால் வெந்தது பாதி!
சில துரோக நாய்களால் நொந்தது பாதி!
இன்று எங்கள் சத்தியத் தாயின் சடலம் மட்டுமே மீதி!

தியாகத் தாயே! உன்னை போற்றாது போனால்!
என் குருதியும் என்னைக் குற்றம் சொல்லும்!
என் தமிழுணர்வு என்னைத் தவணையில் கொல்லும்!

பாரம் சுமக்கும் நெஞ்சோடு உனக்கு வீரவணக்கம் செலுத்துகிறோம்!

- நிலவை.பார்த்திபன்

by கவினா Sat Jan 21, 2012 5:23 pm

அருமை அருமை என எத்தனை அருமைகளை நான் உங்களுக்கே சொல்வது பார்த்திபன்?
இதோ இதுவும் அருமை.
வாழ்த்துக்கள் பார்த்திபன்.
வாஞ்சையுடன் சுந்தரபாண்டி

by **பார்த்திபன்** Sat Jan 21, 2012 5:28 pm

எனது நூறாவது பதிவு உங்களுக்கு நன்றி சொல்வதாய் அமைந்ததும் என் பாக்கியமே! நன்றிகள் நண்பரே!

by **ரா.ரா3275** Sat Jan 21, 2012 5:28 pm

தலைவனைப் பெற்றத் தாய்க்கு அஞ்சலிக் கவிதை அற்புதம்...
எப்போதும் அற்புதம் உங்கள் சொற்பதம்...
நன்று பார்த்திபன்...

by **ஜாஹீதாபானு** Sat Jan 21, 2012 5:30 pm

by **பார்த்திபன்** Sat Jan 21, 2012 5:33 pm

உங்கள் ஊக்கத்தினால் உற்சாகம் அடைந்தேன். நன்றி நண்பர்களே!

by **ராஜா** Sat Jan 21, 2012 5:52 pm

பார்த்திபன் wrote:வீரவணக்கம்!

சிங்கத்தைப் பெற்ற தங்கமே!
எரிமலையைச் சுமந்த பரிமளமே!

சூரியனைப் பிரசுவித்த மெழுகுவர்த்தியே!

தூங்கிப்போன தூயவளே!

கர்ம வீரனைப் பெற்று களமாடத் தந்தாய்!
தர்மத் தாயாய் தமிழர் நெஞ்சங்களில் நின்றாய்!

சிறந்த படைப்பிற்கு நோபல் பரிசென்றால், நூறு நோபல்கள் உனக்கு தரலாம்!
எம் தலைவனை விடச் சிறந்த படைப்பு இத்தரணியில் வேறு உண்டோ!

உன் மறைவால் இன்று வல்வெட்டி வாழாவெட்டி ஆனது!
நீ காலனை வெல்வாய் என்ற எம் கனவுகள் காலாவதி ஆனது!

வானத்து சூரியனைத் தந்தது அந்தப் பால்வெளி என்றால்,
ஈழத்து சூரியனைத் தந்தது எங்கள் அன்னை பார்வதி!

தேக நோய்களால் வெந்தது பாதி!
சில துரோக நாய்களால் நொந்தது பாதி!
இன்று எங்கள் சத்தியத் தாயின் சடலம் மட்டுமே மீதி!

தியாகத் தாயே! உன்னை போற்றாது போனால்!
என் குருதியும் என்னைக் குற்றம் சொல்லும்!
என் தமிழுணர்வு என்னைத் தவணையில் கொல்லும்!

பாரம் சுமக்கும் நெஞ்சோடு உனக்கு வீரவணக்கம் செலுத்துகிறோம்!

- நிலவை.பார்த்திபன்

இத்தனை நாள் இந்த முத்துக்களை எங்கே ஒளித்து வைத்திருந்தீர்கள் பார்த்தீபன் ......மிக அருமை நன்றி

by பாலாஜி Sat Jan 21, 2012 6:09 pm

மிக அருமையான கவிதை .. சூப்பருங்க

ஈழம் பற்றி செய்திகள் மற்றும் கவிதைகள் படிக்கும் போது ஏதோ ஒரு குற்ற உணர்வு மனதை கொல்லுகிறது ...

by **பார்த்திபன்** Sat Jan 21, 2012 6:19 pm

ஈகரையில்தான் ஒளித்து வைத்திருந்தேன் தோழரே!. இது சில மாதங்களுக்கு முன் ஈகரையில் பதிவு செய்தது. நண்பர் சுந்தரபாண்டி தோண்டி எடுத்துத் தோரணம் கட்டியிருக்கிறார். அவ்வளவே.
உங்களுக்கும் நண்பர் பாலாஜிக்கும் உள்ளம் நிறைந்த நன்றிகள்.

by **ராஜா** Sat Jan 21, 2012 6:24 pm

பார்த்திபன் wrote:ஈகரையில்தான் ஒளித்து வைத்திருந்தேன் தோழரே!. இது சில மாதங்களுக்கு முன் ஈகரையில் பதிவு செய்தது. நண்பர் சுந்தரபாண்டி தோண்டி எடுத்துத் தோரணம் கட்டியிருக்கிறார். அவ்வளவே.
உங்களுக்கும் நண்பர் பாலாஜிக்கும் உள்ளம் நிறைந்த நன்றிகள்.

முன்பெல்லாம் இரண்டு மூன்று நாட்கள் வராமல் இருந்தால் கூட , விட்டு போன பதிவுகளை சில மணி நேரங்களில் பார்த்து முடித்து விடலாம். சமீப காலமாக சில மணித்துளிகள் வராவிட்டாலும் கூட மின்னல் வேகத்தில் பதிவுகள் கடந்து போயி விடுகிறது......... சோகம்