இன்று இவை என்னைத் தின்றன...

by **rameshnaga** Fri Jul 29, 2011 10:52 am

நம்பிக்கையைத்
தேடுகிறது வாழ்வு
அவ நம்பிக்கையுடன்.
****************************
இன்று நான்-
காலத்தில் இருந்து விடுபடுகிறேன்.
எனது பதிவுகள்..
ஒரு கசங்கிய காகிதமாய்
உருளவும் முடியாமல்..
பறக்கவும் தெரியாமல் ...
நெளிகிறது
ஒரு குப்பைக் கூடைக்குள்.
*********************************
கண்ணுக்குத் தெரியும் முகத்தில்
கடவுள் தெரிகிறார்.
எக்ஸ்-ரே எடுத்தால் தெரியலாம்
சில சாத்தான்கள்.
**********************************
கேள்வியிலிருந்து பதில்..
பதில்களிலிருந்து கேள்வி..
விடையே தெரிவதில்லை
இந்த உலகத்தில்..
எதற்கும்..எப்பொழுதும்....
***************************************
தேடுகிறோம்...
தேடியது கிடைத்த பின் ...
வேறெதையோ தேடுகிறோம்..
கிடைப்பதற்குள்
தொலைந்து விடுகிறோம்.
****************************************
நீ
என் கைகளைக் கட்ட கயிறு வீசுகிறாய்;
நான்-
உன் கால்களை பார்த்து கயிறு வீசுகிறேன்;
இருந்தாலும்-
சந்திக்கும் வேளையில் ஓயாமல் பேசுகிறோம்

தனி மனித உரிமைகள் குறித்தும்..
நமது சுதந்திரம் குறித்தும்.
***********************************************

by ரேவதி Fri Jul 29, 2011 10:55 am

rameshnaga wrote:
தேடுகிறோம்...
தேடியது கிடைத்த பின் ...
வேறெதையோ தேடுகிறோம்..
கிடைப்பதற்குள்
தொலைந்து விடுகிறோம்.
****************************************

by கலைவேந்தன் Fri Jul 29, 2011 11:01 am

அருமையான சிந்தனைகள்..! சூப்பருங்க

by கஜேந்தினி Fri Jul 29, 2011 11:09 am

by Thiraviamurugan Fri Jul 29, 2011 1:04 pm

தத்துவம் பேசும் கவிதைகள்

by **ஸ்ரீஜா** Fri Jul 29, 2011 1:57 pm

நீ
என் கைகளைக் கட்ட கயிறு வீசுகிறாய்;
நான்-
உன் கால்களை பார்த்து கயிறு வீசுகிறேன்;
இருந்தாலும்-
சந்திக்கும் வேளையில் ஓயாமல் பேசுகிறோம்

தனி மனித உரிமைகள் குறித்தும்..
நமது சுதந்திரம் குறித்தும்.

உண்மை ............. மகிழ்ச்சி