மிருகம் உலகை விட்டு ஓடட்டும்

kavimuki · kavimuki Thu Jul 28, 2011 3:58 pm

First topic message reminder :

மிருகம் உலகை விட்டு ஓடட்டும் - Page 2 Monkey-with-glasses

காட்டினிலே பிறந்து
காலம் காலமாய்
உருவம் மறைந்து

மரத்திற்கு மரம்
தாவிய நீ -இன்று
மனிதனாய் மாறிவிட்டாய்

வனாந்திர காட்டிற்கு
ஒதுக்குப்புறமாய்
வீடு கட்டிக்கொண்டு

வதம் செய்யும்
விலங்குகளுக்கெல்லாம்
முடிவு கட்டிக்கொண்டு

தனக்கென உலகமைத்து
தலையை பிளக்கும்
சூரிய உளி தடுத்து

என் இளவல்
அமைதியாக வாழ்கிறதென
ஆர்ப்பரித்துக்கொண்டேன்

தூர நிலவுக்கும்
தூர் அளவிற்கு
கடலுக்கும் சென்று

ஆராய்வதை கண்டு
ஆனந்தத்தாண்டவம் எனக்கு
அனுதினமும் வந்தது

மலையை விட்டு
இறங்கி என் இளவலின்
மனநிலையை அறிகையிலே

அனைத்தும் சுக்கானது
அந்த அரை நொடிப்
பொழுதினிலே

அரை அடி நிலத்திற்கு
அடித்து சாகிறார்கள்
என்ற சேதி கேட்டதும்

அதை விடகொடுமை
அவரவர் குலத்திற்கென
அடுக்கடுக்காய் சாகிறாரென்று

மனிதனே அறிவைப்
பெருக்கிய நீ அனுமானத்தை
மறந்து விட்டாயே

உன் மூதாதையார்
என்ற முறையில் உனக்கொன்று
சொல்கிறேன் கேள்

என்றாவது மலையின்
உச்சியில் நின்று
பூமியை திரும்பிப்பார்

புவியில் உன் வீடுகளும்
புதர்களாய்த்தான்
கண்ணுக்குத் தெரியும்

அப்புதரில் வீடு
கட்டிக்கொள்ளும் எலிகள்
தான் நீங்கள்

எலி வீடு ஓரடியயன்றால்
உன் வீடு ஒன்பது
அடியில் அழியும்

நாம் அனைவரும்
இயற்கையால் படைக்கப்பட்ட
சிறு,பெறும் புழுக்கள்

இப்புழுக்கள் எப்படி
பூமியை ஆளும்
சாமியாக முடியும்

உணர்ந்து பார்
மனிதனே உனக்குள் தூங்கும்
மிருகம் உலகை விட்டு ஓடட்டும்