உனக்கும் எனக்குமாய் - கடவுள்!

by வித்யாசாகர் Thu Sep 17, 2009 2:17 am

உனக்கும் எனக்குமாய்..

காணுமிடமெல்லாம் கண்களில் ஜோதி
ஜோதியில் தெரிவதெல்லாம் - நீயும் நானும்;
நீயும் நானும் யாரெனக் கேட்டால்
யாரென யாரென யாரெனக் கேள்வி!

கேள்வியின் பயணம் கேள்வியின் பயணம்
மரணத்தில் முட்டி முடிந்தது வாழ்க்கை;

மீண்டும் ஜோதி.. மீண்டும் ஜோதி..
நீயும் நானும் யாரெனக் கேட்டால் -
கடவுள் கடவுள் - யாவும் கடவுள்!

வாழ்க்கை பயணம் முடிய ஜனனம்
முடியும் தொடரும்; தொடரும் முடியும்;

யாவும் ஜோதி யாவும் கடவுள் -
பிறப்பும் இறப்பும் சமமா சமமா?

பிறந்தால் இறந்தால் -
அது தான் முடிவா???

வாழ்வோ சாவோ வந்தே தீரும்;
வெற்றியோ இல்லையோ -
நடந்தே தீரும்;

நடப்பதும் நடக்காததும் கடவுள்... கடவுள்...
கிடைப்பதும் கிடைக்காததும் -
கடவுள் கடவுள்;

கிடைக்குமென்றும் நடக்குமென்றும்
நம்புவதே -
உனக்கும் எனக்குமாய்..!!
----------------------------------------------
வித்யாசாகர்

by ரூபன் Thu Sep 17, 2009 2:21 am

ஐயோ இது ரொம்ப ஆழமுங்கோ யாராவது கயித்தை போடுங்கோ
இந்த கவிதை கொஞ்சம் கடினத்தன்மையாக இருக்கிறதே அண்ணா
கொஞ்சம் புரியவில்லை

by **சிவா** Thu Sep 17, 2009 2:32 am

நிச்சயம் நம்புவதுதான் கடவுள்!

///வாழ்வோ சாவோ வந்தே தீரும்;
வெற்றியோ இல்லையோ -
நடந்தே தீரும்;///

ஒவ்வொரு மனிதனும் வாழ்வில் சந்திக்க வேண்டிய வரிகள்!

மொத்தத்தில் ”உனக்கும் எனக்குமாய் கடவுள்” - வித்யாசகர் கவிதைக் கடவுள் என்பதை பறைசாற்றுகிறது!

by வித்யாசாகர் Thu Sep 17, 2009 2:52 am

அதெப்படி மந்திர சக்கரம் ஏதாவது கையில் இருக்கிறதா..
சுழற்றினால் படம் வந்து விடுமோ..,

கேள்விஎதற்கு, அது மந்திர சக்த்தியல்ல, மனதின் அன்பு சக்தி என்று தெரியும் சகோதரரே..

ரூபன், இந்த கவிதை சொல்லி புரிவதல்ல.. தானாக புரியனும். புரியவரும். கடவுளை வேண்டிய மனதாய் படியுங்கள், வேண்டி காத்திருங்கள்..

கடவுள் தானாக புரியும் மகத்துவம்!

உணர்வதே பேரின்பம்!

ஆயினும் என் தம்பிக்கு எல்லாம் கிடைக்கும்.
கடவுளா கிடைக்காது. கிடைக்க வாழ்த்துக்கள்.. தம்பியாரே..

by **சிவா** Thu Sep 17, 2009 2:58 am

இனிமேல் வித்யாவின் கவிதைகளுக்கு மெருகூட்ட அதற்கு ஏற்ற படங்கள் இணைக்கப்படும்!

by ரூபன் Thu Sep 17, 2009 2:58 am

"கடவுள் தானாக புரியும் மகத்துவம்!"

வாழ்த்துக்கு நன்றிகள் அண்ணா

கடவுள் என்னுடனே இருக்கிறார் என்று நம்புகிறேன் அண்ணா

by **சிவா** Thu Sep 17, 2009 3:00 am

Ruban1 wrote:"கடவுள் தானாக புரியும் மகத்துவம்!"

வாழ்த்துக்கு நன்றிகள் அண்ணா

கடவுள் என்னுடனே இருக்கிறார் என்று நம்புகிறேன் அண்ணா

ஆமாம், விரைவில் சாமியாராக செல்வதற்கு ஈகரை நண்பர்கள் சார்பில் ஏற்பாடுகள் நடைபெற்று வருகிறது!

by ரூபன் Thu Sep 17, 2009 3:02 am

எல்லாம் அவன்சித்தம் ஓகே!!!!

by வித்யாசாகர் Thu Sep 17, 2009 3:33 am

by வித்யாசாகர் Thu Sep 17, 2009 3:37 am

சிவா wrote:இனிமேல் வித்யாவின் கவிதைகளுக்கு மெருகூட்ட அதற்கு ஏற்ற படங்கள் இணைக்கப்படும்!

ஆனால் என்னை மிக அதிக நன்றி கடனாளியாக ஆக்குகிறீர்கள்;
நன்றிக்கு ஈடாய் கடவுள் கவிதைகளையே தருவார் என ஊக்கம் கொள்கிறேன்!
நன்றிகள் உரித்தாகட்டும் சகோதரரே!