கேடு தரும் புகை

மயிலே மயிலே இறகு போடு, இறகு போடு என்றால் நடக்குமா? எல்லாம் நம்மால் தான் நடக்க வேண்டும். அதுபோல் புகைக்கும் பழக்கத்தை நிறுத்து நிறுத்து நிறுத்து என்றால் நடக்குமா? இதை நிறுத்துவதற்கு சில அடிப்படைக் காரண நுட்பங்களைக் கையாண்டு புகைப்பிடிக்காத உங்களையும் உங்கள் கணவர், உங்கள் காதலர், நண்பர், தந்தை போன்றவர்களையும் காப்பாற்ற முடியும். அதற்குச் சில ஆலோசனைகள் இதோ:-

அவருக்கு புகைக்கும் ஆசை அதிகமாவது தெரிந்தால் ஒரு சில நிமிடங்கள் வெளியே உலாவ, வெளியே அவரைக் கூட்டிப்போய் வாருங்கள். அது சிகரெட், பீடி, சுருட்டு போன்ற புகைத்தல் விற்பனைக் கடைகள் இல்லாத வீதி விழியாக.ஆர்வ நேரத்தில் - எந்தக் காரணத்தால் புகைத்தலை நிறுத்த நினைத்தாரோ அதைத் திரும்பத்திரும்ப நினைவுபடுத்துங்கள்.

பெட்டியாக சிகரெட் வாங்குவதைத் தடுங்கள். அப்படியும் அவர் பெட்டியுடன் வாங்கினால் பெட்டியினுள் இருக்கும் சிகரெட்டுகளை வெளியே எடுத்து அவைகளை அப்படியே அவரின் சேட்பொக்கற்றில் போட்டுவிட்டு பெட்டியைக் கசக்கி அவருக்குத் தெரியாத இடத்தில் எறிந்துவிடுங்கள். சேட்பொக்கெற்றிலிருந்து சிகரெட்டை எடுத்துப்புகைப்பதை எந்த ஆணும் விரும்பமாட்டான்.

அவர் புகைக்கும் போதெல்லாம் உங்கள் வெறுப்பையும் எதிர்ப்பையும் தெரிவியுங்கள்.சிகரெட், பீடி, சுருட்டு போன்றவற்றைக் கொஞ்சம் கொஞ்சமாக நிறுத்த முடியாது. எமது கையைப் பற்றிப் பிடித்திருக்கும் விஷப்பாம்பை கொஞ்சம் கொஞ்சமாக கீழே விடமுடியுமா? அது போல் தான் கெட்ட பழக்கங்களும். எனவே, ஒரே நிமிடத்தில் புகைப்பழக்கத்தைக் கை விடும் துணிவை அவருக்கு ஏற்படுத்துங்கள்.

புகைப்பழக்கத்தை விட்டவுடன் சில அறிகுறிகள் தென்படும் சிறு தலைவலி, சிறு நடுக்கம், அமைதியின்மை போன்றவை. இவை ஏற்படும் போதெல்லாம்மீண்டும் புகைக்க வேண்டும் என்னும் உள ரீதியான எண்ணம் ஏற்படும். பத்துப் பதினைந்து நாட்கள் வரை இந்த எண்ணம் ஏற்படமு; போது சிந்தனையைக் கலைப்பது போல் அவரின் தலையில் தட்டுங்கள்.அதிகமாக பலவீன மனம் உள்ளவர்கள்தான் இது போன்ற நடத்தைகளுக்கு அடிமையாகின்றார்கள். பிறரிடம் பெறமுடியாத ஒருவித சுவையை சிகரெட், பீடி, சுருட்டு போன்ற புகையிலைத் தூளில் தேடுகின்றார்கள்.

இப்பேர்ப்பட்ட புகைப்பிடிப்பாளர்களுக்கு மனைவி, காதலி, போன்றவர்களின் அன்பும் அருகிருக்கையும் போதும். இப்பழக்கத்தை அவர்கள் கைவிட்ட நாட்களிலிருந்து சில வாரங்கள் வரை நீங்கள் அவருடனேயே இருப்பது அவசியம். அவர் புகைத்தலுக்கான தாகத்தை வெளிப்படுத்தும் போதெல்லாம் ஒரு அன்பான முறைப்புப் பார்வை ஒன்றே போதுமானதாக இருக்கும்.

"ஊருக்கு உபதேசம் எனக்கில்லை"
எனக்கு மைன்ட் வாய்ஸ் கேட்குது பெரியப்பு

Ruban1 wrote:"ஊருக்கு உபதேசம் எனக்கில்லை"
எனக்கு மைன்ட் வாய்ஸ் கேட்குது பெரியப்பு

என்ன சிவா ?

Ruban1 wrote:"ஊருக்கு உபதேசம் எனக்கில்லை"
எனக்கு மைன்ட் வாய்ஸ் கேட்குது பெரியப்பு

எங்க பொழப்பே இதுதானே! அட்வைஸ் மட்டும்தான் செய்வோம்! கடைபிடிக்க மாட்டோம்!