சாராய வேட்டைக்கு போய் ரத்த காயத்தோடு சரமாரியாக அடிவாங்கி வந்த போலீஸ்காரர்

சேலம் மாவட்டம் ஆத்தூர் மதுவிலக்கு காவல்துறை தலைமை காவலர்கள் அழகேசன், சுப்பிரமணியன். இவர்கள் இருவரும், ஆணையம்பட்டி அருகில் உள்ள ஜீவா நகரில் சாராயம் விற்கும் பாண்டியன், பொன்னுசாமி, முருகேசன் ஆகிய மூவரை பிடிப்பதற்காக சாதாரண உடையில் சென்றுள்ளனர்.
ஜீவா நகரின் அருகில் உள்ள ஒரு வைக்கோல் போரின் பின்புறம் சாராயம் விற்பதாக தெரிந்து, அந்த இடத்திற்கு அழகேசன் சென்றுள்ளார். மாரியம்மன் கோயில் அருகில் உள்ள இன்னொரு இடத்திற்கு சுப்பிரமணியன் சென்றுள்ளார்.
முதலில் சென்ற அழகேசன், வைக்கோல் போரின் அருகில் சாராயம் விற்றுக்கொண்டிருந்த ஒருவரை பிடித்துள்ளார். அப்போது பக்கத்தில் சாராயம் குடித்துவிட்டு உட்காட்ர்ந்து இருந்தவர்கள் அழகேசன் யார் என்று தெரியாமல் கட்டிப்பிடித்து சண்டை போட்டுள்ளனர்.
போதையில் இருந்த சாராய வியாபாரியான ராஜேந்திரன் என்பவன் அழகேசனுடைய அடையாள அட்டை, செல்போன் போன்றவற்றை பிடிங்கிக்கொண்டு, இனிமேல் எந்த நாயும் ரெய்டுக்கு வரக்கூடாது. அப்படின்னா உன் உயிரை எடுத்தாத்தான் இனிமேல் ரெய்டுக்கு வரமாட்டார்கள் என்று சொல்லி கட்டையாளும், கல்லாலும் அடித்துள்ளான்.
சட்டை கிழிந்து, வேட்டி பிடுக்கப்பட்ட நிலையில் ஜட்டியோடு நின்ற அழகேசன், நான் போலீஸ்காரன் தேவையில்லாமல் பிரச்சனை வேண்டாம் என்னுடன் மரியாதையாக வந்துவிடு என்று சாராய வியாபாரி ராஜேந்திரனிடம் சொல்லியிருக்கிறார்.
ஆனால் ராஜேந்திரன் வைக்கோல் போரில் மறைத்து வைத்திருந்த கத்தியை எடுத்துக்கொண்டு வெட்ட துரத்தியுள்ளான். உடல் மற்றும் முகத்தில் ரத்த காயத்தோடு சத்தம்போட்டுக்கொண்டு ஓடி வந்த அழகேசன் ஆணையம்பட்டி கடைவீதியில் இன்னொரு போலீஸ்காரரான சுப்பிரமணியத்தை பார்த்துள்ளார்.
அந்த இடத்தில் இருந்து இரண்டு பேரும் தப்பி ஒடி வந்துள்ளனர். ஆத்தூர் மருத்துவமனையில் சிகிச்சைக்காக சேர்க்கப்பட்டுள்ளார் அழகேசன்.
அதன்பிறகு, கெங்கவல்லி காவல்நிலையத்தில் அழகேசன் புகார் கொடுத்ததை தொடர்ந்து, தலைவாசல் போலீஸ் இன்ஸ்பெக்டர் அன்பரசன், சாராய வியாபாரி ரஜேந்திரனை கைது செய்துள்ளார். ராஜேந்திரன் மீது கொலை முயற்சி வழக்கு பதிவு செய்யப்பட்டுள்ளது.

நக்கீரன்

சுதேசி சரக்குக்கு அரசாங்கமே எதிர்ப்பு கொடுக்கலாமா ?