தி.மு.க., கூட்டணியிலிருந்து வெளியேறியது பா.ம.க.,

by Thiraviamurugan Wed Jul 27, 2011 6:25 pm

.மு.க., கூட்டணியிலிருந்து பா.ம.க., வெளியேறியது. வரும் உள்ளாட்சி தேர்தலில் பா.ம.க., புதிய அணி அமைத்து போட்டியிட பா.ம.க., பொதுக்குழுவில் முடிவு செய்யப்பட்டுள்ளது.

கடந்த சட்டசபை தேர்தலில் பா.ம.க., தி.மு.க.,வுடன் கூட்டணி அமைத்து 30 தொகுதிகளில் போட்டியிட்டது. இதில் 3 இடங்களில் மட்டுமே வெற்றி பெற்றது. இந்நிலையில் சட்டசபை தேர்தலுக்கு பின்னர் பா.ம.க.,வின் முதல் செயற்குழு கூட்டம் சென்னையில் நடந்தது. இந்த கூட்டத்திற்கு பா.ம.க., தலைவர் மணி தலைமை வகித்தார். நிறுவனர் ராமதாஸ் முன்னிலை வகித்தார். அன்புமணி ராமதாஸ் சிறப்புரையாற்றினார். இந்த பொதுக்குழுவில் கலந்து கொண்டவர்கள், சட்டசபை தேர்தலில் தி.மு.க.,வுடன் கூட்டணி அமைத்ததாலேயே தோல்வி ஏற்பட்டது. தி.மு.க.,வால் தான் பா.ம.க., அதிக இடங்களில் தோற்றதாக கூறினர்.

இந்த பொதுக்குழுவில் 14 தீர்மானங்கள் நிறைவேற்றப்பட்டுள்ளது. அதில் தமிழகத்தில் ஆட்சி செய்த கட்சிகளுக்கு மாற்றாக பா.ம.க., தலைமையில் புதிய அணி அமைப்பது என்று முடிவு செய்யப்பட்டுள்ளது

பா.ம.க., தலைமையிலான அணியில் ஒத்தக்கருத்துடைய கட்சிகள், அமைப்புகள், இயக்கங்கள் , மனித உரிமை ஆர்வளர்கள், தமிழ் உணர்வாளர்கள் போன்றோர்களுக்கு அழைப்பு விடுப்பது எனவும், வரும் உள்ளாட்சிதேர்தல் மற்றும் அதன் பிறகு நடக்கும் எல்லா தேர்தல்களிலும்(சட்டசபை மற்றும் பார்லிமென்ட்) பா.ம.க.,தலைமையிலான அணி போட்டியிடும் எனவும் கூறப்பட்டுள்ளது.பா.ம.க.,தலைமையிலான அணியின் கொள்கைகள், செயல்பாடுகள் குறித்து பின்னர் வெளியிடப்படும்.

மேலும், பா.ம.க.,விற்க வாக்களித்த மக்களுக்கு நன்றி தெரிவிப்பது.,சமச்சீர் கல்வியை அமல்படுத்த வேண்டும் விகிதாச்சார பிரதிநிதித்துவம் தேவை. பொது நுழைவுத்தேர்வுக்கு எதிராக அனைத்து கட்சிகளும் போராட வேண்டும். இட ஒதுக்கீட்டை உறுதி செய்ய சாதிவாரி கணக்கெடுப்பு. தனி ஈழம் அமைய பொது வாக்கெடுப்பு. கச்சத்தீவை மீட்பது. மீனவர்கள் மீதான தாக்குதலை தடுத்துநிறுத்துவது. முல்லை பெரியாறில் நீதிமன்றம் மூலம் தமிழகத்தின் உரிமையயை நிலைநாட்டுவது. ஆறுகள் இணைப்பு. மின்வெட்டு, விலை வாசிஉயர்வை கட்டுப்படுத்துவது. சில்லரை வாணிபத்தில் அந்நிய முதலீடு கூடாது உள்ளிட்ட தீர்மானங்கள் பொதுக்குழுவில் நிறைவேற்றப்பட்டுள்ளது.

-நன்றி தினமலர்

by ரபீக் Wed Jul 27, 2011 6:34 pm

போயும் !! போய்த்தொளையும்

by **அருண்** Wed Jul 27, 2011 7:12 pm

இதே பேச்சு நாளைக்கும் இருக்கா நு பார்ப்போம்.!

by **Admin** Wed Jul 27, 2011 7:23 pm

இது என்ன இவனுகளுக்குப் புதுசா! கட்சி துவங்கியது முதல் இதைத்தானே செய்து வருகிறார்கள்!

by **T.N.Balasubramanian** Wed Jul 27, 2011 7:26 pm

எப்போதும் பாமக கூட்டணி வைக்கும் கட்சிதான் ஜெயிக்கும் என்று பீத்திக்கொண்டு இருப்பார்களே அந்த பாமக கட்சி தானே இந்த கட்சி. பஸ்ஸில் வரும் போது இந்த கட்சியை பற்றி, இருவர் பேசியது,
திமுக , திருமா வுடன் சேர்ந்து 31 இடங்களிலும் ஜெயிக்கும் என்றும், அதனால் ஒரு ராஜ்ய சபா இடம் , அன்பு மணிக்கு கிடைக்கும் என்று தப்பு கணக்கு போட்டு து.கா.து.கா என்று வாய் அடைத்து நிற்கிறவர்கள் .நிலையான ஒரே ஒரு கொள்கை எப்படியும் அன்பு மணிக்கு ஒரு மந்திரிப் பதவி வாங்கி தரவேண்டும்., என்பதே. ராஜா பக்சே தன் மந்திரி சபையில் ஒரு பதவி என்றால், அங்கும் கூட்டு இருக்கும்.
சாமானியவர்களும் கிண்டல் அடிக்கும் நிலைதான் இவர்கள் நிலை. பாபமாக இருக்கிறது.

ரமணீயன்.

by **Admin** Wed Jul 27, 2011 7:43 pm

T.N.Balasubramanian wrote:எப்போதும் பாமக கூட்டணி வைக்கும் கட்சிதான் ஜெயிக்கும் என்று பீத்திக்கொண்டு இருப்பார்களே அந்த பாமக கட்சி தானே இந்த கட்சி. பஸ்ஸில் வரும் போது இந்த கட்சியை பற்றி, இருவர் பேசியது,
திமுக , திருமா வுடன் சேர்ந்து 31 இடங்களிலும் ஜெயிக்கும் என்றும், அதனால் ஒரு ராஜ்ய சபா இடம் , அன்பு மணிக்கு கிடைக்கும் என்று தப்பு கணக்கு போட்டு து.கா.து.கா என்று வாய் அடைத்து நிற்கிறவர்கள் .நிலையான ஒரே ஒரு கொள்கை எப்படியும் அன்பு மணிக்கு ஒரு மந்திரிப் பதவி வாங்கி தரவேண்டும்., என்பதே. ராஜா பக்சே தன் மந்திரி சபையில் ஒரு பதவி என்றால், அங்கும் கூட்டு இருக்கும்.
சாமானியவர்களும் கிண்டல் அடிக்கும் நிலைதான் இவர்கள் நிலை. பாபமாக இருக்கிறது.

ரமணீயன்.

மிகவும் சரியாகக் கூறியுள்ளீர்கள் ஐயா! சிரி

by அதி Wed Jul 27, 2011 8:34 pm

என்ன காமெடி இது. இப்படியெல்லாம் ஒரு கட்சி இருந்தது என்பதே இனி பலருக்கு தெரிய போவதில்லை. இவர்கள் யாருடன் கூட்டு வைத்தால் என்ன பொரியல் வைத்தால் என்ன

by பாலாஜி Wed Jul 27, 2011 9:37 pm

ராமதாஸ்யிடம் நீங்கள் ஒரு கேள்வி கேட்டால் நிச்சயம் அவரால் பதில் சொல்ல இயலாது .. அது என்ன கேள்வி என்றால் .

கேள்வி : நீங்கள் 5 வருடகளுக்கு முன்பு எந்த கூட்டணியில் இருந்தீர்கள் ?

ராமதாஸ் :

by **இளமாறன்** Wed Jul 27, 2011 10:48 pm

சாதி வைத்து கட்சி நடத்தும் இவர்களுக்கு கொள்கையும்கிடையாது யாருடனும உடனே துண்டை மாற்றி கொண்டு சீட் காக உடனே தாவிவிடுவார்கள் ..21 நூற்றாண்டில் இப்படியும் மனிதர்கள் ..சாதி அழியாததற்கு இவர்களும் ஒரு காரணம் ரிலாக்ஸ்

by நட்புடன் Wed Jul 27, 2011 11:07 pm

மொத மொதல்ல ரோட்ல இருக்கற மரத்தை எல்லாம் வெட்டி மாத்தி வளந்தவங்க அதனால கூட்டணிய மாத்தூறது இவங்களுக்கு புதுசு இல்ல...

ஆனா இனி ஒரு பய சேக்க மாட்டான் - அறிவிருந்தா - ஓ நமக்குத்தான் அறிவில்லையோ - இவனுக்களுக்கு ஓட்டுப் போடறோம்...