என்னை வம்புக்கிழுக்கும் பறவைகள்...

by **rameshnaga** Wed Jul 27, 2011 4:51 pm

1. நிறைய பறவைகள் கடந்து செல்கின்றன
எனது வீட்டை தினமும்....
தமது கூடுகளை அடைய..
எனது தோட்டத்து மரம் தலை சாய்ந்து
வருந்துகிறது
ஒரு சிறு கூட்டையும் தன்னிடம் கொள்ளாத
பறவைகளை நினைத்தபடி.

2. பறவைகளுக்கு என் மொழி புரிவதில்லை.
எனக்கும் பறவைகளின் மொழி தெரியாது.
இருந்தாலும்-
விடாமல் என்னை வம்பிழுக்கிறது
அந்தக் காகம் ஜன்னலோரத்து மரத்தில்
தலை சாய்த்து..."கா...கா..."எனக் கத்தியபடி.

3. பாட்டி வடை சுட்ட கதையில்
காகம் திருடனாய் இருந்தது.
அன்றொரு கோவிலுக்குப் போகையில் -அங்கே
ஈஸ்வரனின் வாகனமாய் இருந்தது.
குழந்தை.."திருடன்னா உம்மாச்சிக்குப் பிடிக்குமா ..அம்மா..?"-
என்கிறாள்.
என்ன பதில் சொல்வேன் நான்?-அவளுக்கு.

by **ஜாஹீதாபானு** Wed Jul 27, 2011 4:56 pm

. பாட்டி வடை சுட்ட கதையில்
காகம் திருடனாய் இருந்தது.
அன்றொரு கோவிலுக்குப் போகையில் -அங்கே
ஈஸ்வரனின் வாகனமாய் இருந்தது.
குழந்தை.."திருடன்னா உம்மாச்சிக்குப் பிடிக்குமா ..அம்மா..?"-
என்கிறாள்.
என்ன பதில் சொல்வேன் நான்?-அவளுக்கு.
அருமை நன்றி