நீ அழையாத என் கைபேசி..

realvampire · realvampire Wed Jul 27, 2011 3:14 pm

வெகுநேரம் பார்த்துக்கொண்டிருந்தேன்
காதலில்லாத என் கைபேசியை..
.
எழுத்துப் பலகைகள்
தேயப்பெற்ற காலம்போய்
எப்போதும் உறங்குகிறது..
நீ அழையாத என் பேசி.
.
எடுத்தெடுத்துப் பார்க்கிறேன்
நம் பழைய குறுஞ்செய்திகளை..
.
கவிதைகள் இல்லையெனினும்
காதலின் அடையாளங்கள் அழகாய்..
.
வினாடிகளையும் தோற்கடிக்கும்
நம் அடுத்தடுத்த பதில் பறிமாற்றங்கள்..
ஒவ்வொரு நாளின்
தொடக்கமும் முடிவும்
முடிவில்லாமல்..
.
நினைத்துப் பார்க்கிறேன்..
நேரமறியாத நள்ளிரவுகளில்
காதுமடல் சுட்டதையும்
கண்கள் உறக்கத்திற்கு சொருகியதையும்
பொருட்படுத்தாது நீண்டுபோன
நமக்கான உரையாடல்களை..
.
சொல்ல மறந்துவிட்டேனென..
சொன்னது கேட்கவில்லையென..
இப்போதுதான் நடந்ததென..
யாரோ சொன்னதென..
எத்தனை எத்தனையோ சாக்குகள்.
நம் குரல் கேட்க ப்ரயோகித்தோம்..
.
காத்திருப்பு ஒலியிருப்பின்..
ஒருவருக்கொருவர்
செல்லமாய்க் கோபித்து
சிரிக்காமல் சீண்டுவோம்..
சிணுங்கியபின் சிக்கிடுவோம்..
சமாதானம் எனும் சிறையில்..
.
பேசிக்கொண்டே ஓர்முறை
நானுறங்கிப்போக..
துண்டிக்க மனமில்லையென
தொடர்ந்து கொஞ்சினாய்
என் மௌனத்தை..
.
உனக்குத் தெரியுமா..
உறங்கும் நடிப்பில் நீயறியாது
உன் கொஞ்சல்களை
இன்றும் சேமித்து வைத்திருக்கிறேன்
என் அலைபேசியின் பதிவுகளில்..
.
புரட்டிப்போட்டதோ..
புரண்டுவிட்டதோ..
காரணம் அறியாத
கேள்விக் குறியாய்..
.
ஆயுள் முழுவதுக்குமான
ஒட்டுமொத்தக் காதலையும்
ஒருசேரத் தீர்த்துவிட்டோமோ???
அவசரமாய் முடிந்துவிட்டது
அணுவணுவாய் ரசித்த அனைத்தும்.
.
செல்லக் கொஞ்சல் வேண்டாம்
சின்னச் சிணுங்கலாவது போதும்.
வாசல் திறக்க வேண்டாம்
ஜன்னல் மட்டுமாவது போதும்.
காதல் பார்வை வேண்டாம்..
ஓரப்பார்வையாவது போதும்..
பார்த்துப் பழக வேண்டாம்..
பாதிப் பேச்சுக்களாவது போதும்..
.
முணுமுணுத்தபடி மூழ்கிப்போகிறேன்
உன்மீதான நினைவுகளில்..
மூச்சுத்திணறுகிறது..
ஆனாலும் மீள மனமில்லை..
.
விழிநீர் துடைத்து
வெறுமையை சுமந்து
வெற்றிடமாய் நான்..
விரும்பிய நாட்கள்
திரும்பாதா எனும் ஏக்கத்தில்..
.
காத்திருப்பு சுகம் தான் காதலில்..
காயமில்லாதிருப்பின்.
கனப்பதில்லை எப்போதும் மனது..
வலியில்லாதிருப்பின்.
.
இன்னும் பார்த்துக்கொண்டிருக்கிறேன்.
உன் அழைப்பிற்கு ஏங்கும்
நீ அழையா என் பேசியை..
.
.

ரேவதி · ரேவதி Wed Jul 27, 2011 3:16 pm

realvampire wrote:
ஆயுள் முழுவதுக்குமான
ஒட்டுமொத்தக் காதலையும்
ஒருசேரத் தீர்த்துவிட்டோமோ???
அவசரமாய் முடிந்துவிட்டது
அணுவணுவாய் ரசித்த அனைத்தும்.
.
செல்லக் கொஞ்சல் வேண்டாம்
சின்னச் சிணுங்கலாவது போதும்.
வாசல் திறக்க வேண்டாம்
ஜன்னல் மட்டுமாவது போதும்.
காதல் பார்வை வேண்டாம்..
ஓரப்பார்வையாவது போதும்..
பார்த்துப் பழக வேண்டாம்..
பாதிப் பேச்சுக்களாவது போதும்..
.
முணுமுணுத்தபடி மூழ்கிப்போகிறேன்
உன்மீதான நினைவுகளில்..
மூச்சுத்திணறுகிறது..
ஆனாலும் மீள மனமில்லை..
.

**ஜாஹீதாபானு** · **ஜாஹீதாபானு** Wed Jul 27, 2011 3:21 pm

விழிநீர் துடைத்து
வெறுமையை சுமந்து
வெற்றிடமாய் நான்..
விரும்பிய நாட்கள்
திரும்பாதா எனும் ஏக்கத்தில்..
.
காத்திருப்பு சுகம் தான் காதலில்..
காயமில்லாதிருப்பின்.
கனப்பதில்லை எப்போதும் மனது..
வலியில்லாதிருப்பின்.
.
இன்னும் பார்த்துக்கொண்டிருக்கிறேன்.
உன் அழைப்பிற்கு ஏங்கும்
நீ அழையா என் பேசியை..
.
வார்த்தைகள் ஒவ்வொன்றும் அருமை நீ அழையாத என் கைபேசி.. 224747944

பூஜிதா · பூஜிதா Wed Jul 27, 2011 3:22 pm

Sponsored content · Sponsored content

நீ அழையாத என் கைபேசி..

நீ அழையாத என் கைபேசி..

Re: நீ அழையாத என் கைபேசி..

Re: நீ அழையாத என் கைபேசி..

Re: நீ அழையாத என் கைபேசி..

Re: நீ அழையாத என் கைபேசி..

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக