வேறெங்கும் பயணித்ததில்லை..எனது மொழி.

**rameshnaga** · **rameshnaga** Tue Jul 26, 2011 8:42 pm

எனது மொழி வேறெங்கும் பயணித்ததில்லை..
எனதிந்தப் பருவத்தில்..
உனது இதயம் நோக்கி இடம் பெயர்ந்ததைத்தவிர.

எனது எளிய இமைகள் கவிழ்ந்துவிடுகின்றன..
வானத்தையும்,உன்னையும் ஒருசேரச் சுமந்தபடி.

பேசும் எளிய வார்த்தைகளும் புதிராகி..
அர்த்தங்களற்று பிரிந்துவிடுகின்றன
என்னைத் தனியே நிறுத்தியபடி.

சிதைகிறேன் நான்..
எனது எளிமையை நானறியாமல் தொலைத்தபடி.

அதி · அதி Tue Jul 26, 2011 9:23 pm

எப்படிங்க இவ்ளோ சிறப்பா எழுதுறீங்க..... :அடபாவி: எனக்கும் கவிதை எழுதும் ஆசை வந்துவிட்டது

**rameshnaga** · **rameshnaga** Tue Jul 26, 2011 9:28 pm

பாராட்டுக்கு ரொம்பவும் நன்றி! அதிபொண்ணு.
நீங்களும் எழுதுங்கள். படித்து விட்டுப் பாராட்டவும்..குறைகள் இருந்தால்
நாங்கள் அறிந்த அளவில் திருத்தித் தரவும்..ஈகரைச் சகோதரர்கள் இருக்கிறோம். முயற்சி செய்யுங்கள்.

அன்புடன் ரமேஷ்.