வனப்பு மிக்க வாழைக்குலை

அப்துல்லாஹ் · அப்துல்லாஹ் Tue Jul 26, 2011 6:33 pm

சிங்காரத் தோட்டமொன்றில்
சிறுமரத்தில் விளைந்த குலை
சித்திரம் வரைந்தார்ப் போல்
சிந்தையை மயக்குதடா

நில மங்கை அவள்மடியில்
நின்ற மரம் ஈந்தகுலை
நீண்டதொரு சாட்டை போல்
நில்லாமல் வளர்நத தம்மா...

வாழைக்குலை இது தான்
மரம் வழியாய் மலர்வளர்ந்து
மலர்ந்த அதன் குலைபணிந்து
நிலம் தொட்ட நீ ...ண்ட

வனப்புள்ள அதன் தாயை
வசதியாய் மறைக்கும் குலை
வந்தவரை எண்ணச்சொன்னால்...
வட்டம் சுற்றி வீழ்ந்திடுவார்.

தொங்காத குலை இது
தொட்டுத் தாழ்பணிகிறது
பங்கு உமக்கு வேணுமெனில்
பல பைகள் தேவைப்படும்

நிறைமதி பெற்ற மாந்தர்
நிலம் நோக்கி பணிவதுபோல்
நிறைந்த கனிக்குலையிதுவும்
நிதர்சனம் காட்டுதிங்கே...