காலத்தை வென்றவனின் குரல் ...

by **rameshnaga** Mon Jul 25, 2011 11:54 pm

எத்தனை நிழல்கள் எனக்கு!அடடா!
அதனை-எத்தனை ஆணவம் மனதில் இருந்தால்
எண்ண நினைக்கும்-கணக்கு.

எத்தனை கைகள் எனக்கு!
அதை-எண்ணிய சூரியன் தொலைந்து போனதால்
இரவு வந்ததாய் வழக்கு.

எத்தனை உதடுகள் எனக்கு!
அதன் இதழ்களை உரசும் காற்றின் திசையிலோ
என் பெயர் மட்டுமே இருக்கு.

எத்தனை இதயங்கள் எனக்கு!
அதில் ஓடும் இரத்தம் வரைந்த ஓவியத்தில்
என் உருவம் மட்டுமே இருக்கு.

இங்கே-எத்தனை மதங்கள் பிணக்கு!
ஆனால்-சாதிகள் இல்லா சமத்துவபுரமாய்
ஒரு மக்கள் கூட்டம் எனக்கு.

காலம் நிறுத்தலாம் என் இதயம் என்றாலும்-
மனிதரின் மனதில் நிலையாய் இருக்கும்
எனக்கு-
மரணம் எங்கே இருக்கு?