உறங்கும் பொழுதும் உணர்கிறேன்

**ayyamperumal** · **ayyamperumal** Wed Jul 27, 2011 11:15 am

உறங்கும் பொழுதும் உணர்கிறேன்

உனது சொந்தங்கள்
எனக்கும் சொந்தங்கள் !
உனது வாழ்வே
எனக்கான வாழ்வு !
இது காதலென்றால் - நாம்
காதலிக்கிறோம் !

உனது
உடலும் வடிவும்
நிறமும் பொலிவும் - ஏன்
முகமும் கூட கண்டதில்லை - ஆனாலும்
நாம் காதலர்கள் !

* அகம் கலந்து
கரு வளர்ந்து
நம்மில் நாம் பிறந்த பின்பு
தேகத்தில் என்ன தேடல் ?

* நிறம் கண்டு
நிற்கிற வண்டு
மலரை விரும்புமா ?
மதுவைத்தானே விரும்பும். !
உன் எண்ணத்தால் ஈர்த்த பின்
வண்ணம் எதற்க்கு ?

* உனது அழகினை
முகத்தில் பார்க்க _நான்
உள்ளத்தை அறியமுடியாத
உணர்வுக் குருடனா ?

உனது
உடலும் வடிவும்
நிறமும் பொலிவும் - ஏன்
முகமும் கூட தேவையில்லை - ஆனாலும்
நாம் காதலர்கள் !

நமக்கான சங்கமத்தில்
படிப்பதிலும் , படிக்க வைப்பதிலும்
காலம் கரைகிறது !- ஆனாலும்
நாம் சந்திக்காத நாளில்
உறங்கும் பொழுது கூட
உன் பெயரை சொல்கிறேன் .
ஈகரை.. ஈகரை.. ஈகரை.. என்று

**ayyamperumal** · **ayyamperumal** Wed Jul 27, 2011 11:34 am

நீங்களும் இப்படித்தானா ? இல்லை நான் மட்டுமா ?

ரேவதி · ரேவதி Wed Jul 27, 2011 12:18 pm

அய்யம் பெருமாள் .நா wrote:
உனது
உடலும் வடிவும்
நிறமும் பொலிவும் - ஏன்
முகமும் கூட கண்டதில்லை - ஆனாலும்
நாம் காதலர்கள் !

நமக்கான சங்கமத்தில்
படிப்பதிலும் , படிக்க வைப்பதிலும்
காலம் கரைகிறது !- ஆனாலும்
நாம் சந்திக்காத நாளில்
உறங்கும் பொழுது கூட
உன் பெயரை சொல்கிறேன் .
ஈகரை.. ஈகரை.. ஈகரை.. என்று[/color] [/b][/justify]