2 படுக்கை அறை, சமையல் அறை வசதியுடன் ரூ.1.85 லட்சம் செலவில் உருவாகும் புதிய வீடுகள்

ரஞ்சித் · ரஞ்சித் Mon Jul 25, 2011 3:38 pm

First topic message reminder :

எலிவளை போல் இருந்தாலும் தனி வீடு வேண்டும் என்பது அனைவரின் விருப்பமாகும். ஆனால் தற்போதைய கட்டுமான பொருட்களின் விலை ஏற்றத்தால் ஏழைகளின் சொந்தவீடு கனவு எட்டாக்கனியாகவே உள்ளது. செங்கல், மணல், கம்பி, சிமெண்டு ஆகியவற்றின் விலை அதிகரித்துக் கொண்டே செல்லும் இந்த கால கட்டத்தில் ஒரு வீடு கட்ட பல லட்சங்கள் செலவிட வேண்டிய நிலை உருவாகி விட்டது. இதனால் ஏழைகளின் சொந்த வீடு கனவு காணல் நீராகவே உள்ளது.

இருந்தாலும் அனைவருக்கும் சொந்த வீடு அவசியம் என்பதை கருத்தில் கொண்டு குறைந்த விலையில் வீடு கட்டி கொடுக்க மத்திய அரசின் வீடு வறுமை ஒழிப்பு அமைச்சகம் முடிவு செய்து உள்ளது. 25 சதுர மீட்டர் நிலத்தில் 2 படுக்கை அறைகள், ஒரு சமையல் அறை, மற்றும் குளியல் அறை கொண்ட ஒரு வீட்டை ரூ.1 லட்சத்து 85 ஆயிரம் செலவில் கட்டிக் கொடுக்க வறுமை ஒழிப்பு அமைச்சகம் திட்டமிட்டு உள்ளது.

இதற்கான ஆய்வு பணிகள் நடந்து வருவதாக அதிகாரிகள் தெரிவித்தனர். வழக்கமாக நாம் பயன்படுத்தும் கட்டுமான பொருட்களுடன் அந்தந்த பகுதியில் கிடைக்கும் கற்கள், மூங்கில், மண், ஆகியவற்றை பயன் படுத்தி இத்தகைய குறைந்த விலை வீடுகள் கட்ட முடியும் என அதிகாரிகள் தெரிவித்தனர்.

இந்த புதிய தொழில் நுட்ப முறையில் 20 சதவீத செலவு குறையும் என்று அவர்கள் உறுதிபட கூறினார்கள். இந்த புதிய தொழில் நுட்பத்தை பயன்படுத்தி மத்திய பிரதேசம், அமேதியிலும், அரியானா மாநிலம் பிஞ்சூர் பகுதியிலும் வீடுகள் கட்டப்பட்டு உள்ளன என்றும், அம்பாலா பகுதியில் சமுதாய கூடம் கட்டி முடிக்கப்பட்டதாகவும், தொழில் நுட்ப மேம்பாட்டு கழக அதிகாரி ஒருவர் தெரிவித்தார்.

இத் திட்டம் நாடு முழுவதும் விஸ்தரிக்கப்பட்டால் ஏழை மற்றும் நடுத்தர மக்களின் சொந்த வீடு கனவு நனவாவது உறுதி.

மாலை மலர்

**உமா** · **உமா** Mon Jul 25, 2011 4:45 pm

ரபீக் wrote:திட்டம் நிறைவேறினால் சரிதான் !!

2 படுக்கை அறை, சமையல் அறை வசதியுடன் ரூ.1.85 லட்சம் செலவில் உருவாகும் புதிய வீடுகள்

2 படுக்கை அறை, சமையல் அறை வசதியுடன் ரூ.1.85 லட்சம் செலவில் உருவாகும் புதிய வீடுகள்

Re: 2 படுக்கை அறை, சமையல் அறை வசதியுடன் ரூ.1.85 லட்சம் செலவில் உருவாகும் புதிய வீடுகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக