நீண்ட நாட்கள் உயிர் வாழும் ரகசியம்

தாமு · தாமு Tue Jul 26, 2011 6:21 am

நீண்ட நாட்கள் வாழும் இரகசியத்தை விஞ்ஞானிகள் கண்டுபிடித்துள்ளனர். ஆனால், அந்த சிகிச்சைகள் செல்லப்பிராணிகளுக்கு மட்டுமே பொருந்தும்.

வயது முதிரும் நடவடிக்கைகளை மேற்கொள்ளும் DNA பிரிவுகளில் உள்ள டெலோமியர்சினை இந்த மருந்து பாதுகாத்து வயது முதிரும் நிலையைத் தடுக்கும் என கண்டுபிடித்துள்ளார்கள் ஆனால், இந்த சிகிச்சை முறை மனிதர்களுக்கு பாதுகாப்பானது என பரிந்துரைக்கப்படவில்லை. செல்லப்பிராணிகளின் உணவில் இது கலக்கப்பட்டு முதலில் அவற்றிலேயே பரிசோதனை செய்யப்பட்டுள்ளது.

சன்டே டைம்ஸ் தெரிவித்துள்ளபடி தற்போது அமெரிக்க ஆய்வாளர் குழு ஒன்று இந்த வயது முதிர்வை தாமதப்படுத்த அல்லது குறைக்க ஒரு வழியைக் கண்டுபிடித்திருப்பதாக எண்ணுகிறது. இதுகூட எமது வாழ்நாளை நீட்டக்கூடும்.

சியரா சைன்ஸஸ் இன் ஸ்தாபகரான நிவேதாவைச் சேர்ந்த பில் அன்ட்ரூஸ் இந்தக் குழுவிற்கு தலைமை தாங்கினார். அன்ட்ரூஸ், டெலோமிரேஸினை உற்பத்தி செய்யும் உயிரணுக்களை உண்டாக்கி அதனை அழிவிலிருந்து பாதுகாக்கும் வழிமுறைகளைக் கண்டுபிடிக்குமாறு தனது குழுவினருக்குப் பணித்தார்.

வருகின்ற ஆகஸ்ட் மாதத்தில் கெம்பிரிட்ஜில் இடம்பெறவுள்ள மாநாட்டில் இந்த புதிய கண்டுபிடிப்புகள் சமர்ப்பிக்கப்படவுள்ளன.

‘டெலோமிரேஸினை உற்பத்தி செய்யும் உயிரணுக்களை உண்டாக்குவது மிகப்பெரிய மருத்துவ முன்னேற்றமாக அமையும்’ என அன்ட்ரூவ்ஸ் குறிப்பிட்டார்.

‘நாங்கள் கண்டுபிடித்துள்ள மருந்துப் பொருள் இதனை செய்து முடிக்கும். ஆனால், சில ஆண்டுகளுக்கு மனிதர்களின் பாவனைக்கான மருத்துவ அங்கீகாரத்தைப் பெறுவதற்கான வாய்ப்புகள் இல்லை. ஆனால், செல்லப்பிராணிகளில் பாவிப்பதற்கான கட்டுப்பாடுகள் குறைவு’ என அவர் குறிப்பிட்டார்.

கடந்த சில ஆண்டுகளில் செல்லப்பிராணிகளின் மருந்துகளுக்கான சந்தை வாய்ப்பு மிக வேகமாக அதிகரித்திருக்கிறது. ஒரு ஆண்டில் 800 மில்லியன் பவுன்ட்களை பிரிட்டன் தன்னுடைய 16 மில்லியன் பூனைகள் மற்றும் நாய்களின் மருந்துகளுக்கு செலவிடுகிறது.

செல்லப்பிராணிகளுக்கான இன்சுலின் ஊசிகள், ஆர்த்திரிடிஸ் மருந்துகள், அஜீரண மாத்திரைகள் போன்றவையும் தற்போது கிடைக்கப் பெறுகின்றன.

vm