பிறந்த நாள் சிரிப்பு

dsudhanandan · dsudhanandan Mon Jul 25, 2011 12:32 pm

ஆசிரியர் : யானை எறும்பு ரெண்டுல எது பெரியது?

மாணவன் : அப்படி உடனே சொல்ல முடியாது சார். பிறந்த தேதி சொல்லுங்க....

****************************************************************************************************

கபாலிக்கு நேற்று பிறந்த நாள் போலிருக்கு ஏட்டய்யா.!

எப்படிச் சொல்றே?

நேத்து திருடு போன வீட்டிலே, பலூன் கட்டி, கேக் வெட்டினதுக்கான எவிடென்ஸ் கிடைச்சிருக்கு சார்..!

****************************************************************************************************
ஜப்பான்ல பிறந்த குழந்தைக்கு பல்லு எந்தக் கலர்ல இருக்கும்..?

தெரியலையே..!

ஹி...ஹி...பிறந்த குழந்தைக்கு ஏதுடா பல்லு..!

****************************************************************************************************
நண்பர் 1 : மனைவியோட பிறந்தநாளை மறக்காம இருக்க சிறந்த வழி என்ன?

நண்பர் 2 : ஒரே ஒரு முறை மறந்திருங்க ! அதுக்கு அப்பறம் மறக்கவே மாட்டீங்க!!.

****************************************************************************************************

தலைவரே உங்க மனைவிக்கு ஒரே பிரசவத்துல மூணு குழந்தைங்க பிறந்திருக்கு!

நான் நம்ப மாட்டேன்… ரீ கவுண்டிங் பண்ணச் சொல்லு!

****************************************************************************************************

பிறந்த நாள் பரிசு (கதை)

மன்னர் கிருஷ்ணதேவராயருக்குப் பிறந்தநாள் விழா. ஆடம்பரமாக விழா நடந்தது.

அரசப் பிரதானிகள், பொதுமக்கள், மன்னருக்கு பரிசளித்து மரியாதை செலுத்தினார்கள். தெனாலிராமன் கொண்டு வந்த பரிசுப் பொட்டலம் மிகப் பெரிதாக இருந்ததால் அவையிலுள்ளவர்கள் ஆவலோடு என்ன பரிசு என்று பார்த்ததால் அந்தப் பொட்டலத்தைப் பிரிக்கும்படி தெனாலிராமனிடம் கூறினார் அரசர்.

தெனாலிராமன் தயங்காமல் பொட்டலத்தைப் பிரித்தான். பிரித்துக் கொண்டே இருந்தான். பிரிக்கப் பிரிக்கத் தாழைமடல்கள் காலடியில் சேர்ந்தனவே தவிர பரிசுப் பொருள் என்னவென்று தெரியவில்லை.

அதனால் எல்லாரும் ஆவலுடன் கவனித்தனர். கடைசியில் மிகச்சிறிய பொட்டலமாக இருந்ததைப் பிரித்தான். அதற்குள் நன்றாகப் பழுத்துக் காய்ந்த புளியம்பழம் ஒன்றிருந்தது.

அவையினர் கேலியாகச் சிரித்தனர்.

அரசர் , ""ராமா இந்த சிறிய பொருளைத் தேர்ந்தெடுத்ததின் காரணம் என்ன?" எனக் கேட்டார்.

அரசே, ஒரு நாட்டை ஆளும் மன்னர் எப்படி இருக்க வேண்டும் என்ற தத்துவத்தை விளக்கும் பழம் புளியம்பழம் ஒன்று தான். மன்னராக இருப்பவர் உலகம் என்ற புளிய மரத்தில் காய்க்கும் பழத்தைப் போன்றவர். அவர் பழத்தின் சுவையைப் போல இனிமையானவராக இருக்க வேண்டும்.

அதே நேரத்தில் ஆசாபாசங்கள் என்ற புளியம்பழ ஓட்டில் ஒட்டாமலும் இருக்க வேண்டும் என்பதை விளக்கவே இந்த புளியம்பழத்தைப் பரிசாகக் கொண்டு வந்தேன். புளியம்பழமும் ஓடும்போல இருங்கள்!" என்றான்.

அவையினர் கைதட்டி ஆரவாரம் செய்தனர். மன்னர் கண்கள் பனிக்க ஆசனத்தைவிட்டு எழுந்து தெனாலிராமனைத் தழுவி, ""ராமா எனக்குச் சரியான புத்தி புகட்டினாய். ஒரு பிறந்த நாள் விழாவிற்கு இத்தனை ஆடம்பரம் தேவையில்லை.

பொக்கிஷப் பணமும் பொது மக்கள் பணமும் வீணாகும்படி செய்து விட்டேன். உடனே விசேடங்களை நிறுத்துங்கள். இனி என் பிறந்தநாளன்று கோயில்களில் மட்டுமே அர்ச்சனை ஆராதனை செய்யப்பட வேண்டும். அவசியமில்லாமல் பணத்தை ஆடம்பரமாகச் செலவு செய்யக்கூடாது," என உத்தரவிட்டார்.

தெனாலிராமனின் துணிச்சலையும் சாதுரியத்தையும் எல்லாரும் பாராட்டினர்.

பாலாஜி · பாலாஜி Mon Jul 25, 2011 12:37 pm

மிக அருமை , மிக அருமையான சிறுகதை ....... வாழ்த்துக்கள் ..

ரேவதி · ரேவதி Mon Jul 25, 2011 12:40 pm

[quote="dsudhanandan"]
நண்பர் 1 : மனைவியோட பிறந்தநாளை மறக்காம இருக்க சிறந்த வழி என்ன?

நண்பர் 2 : ஒரே ஒரு முறை மறந்திருங்க ! அதுக்கு அப்பறம் மறக்கவே மாட்டீங்க!!.

அனுபவமோ சிப்பு வருது

தே.மு.தி.க · தே.மு.தி.க Mon Jul 25, 2011 12:49 pm

dsudhanandan · dsudhanandan Mon Jul 25, 2011 12:56 pm

ரேவதி wrote:
நண்பர் 1 : மனைவியோட பிறந்தநாளை மறக்காம இருக்க சிறந்த வழி என்ன?

நண்பர் 2 : ஒரே ஒரு முறை மறந்திருங்க ! அதுக்கு அப்பறம் மறக்கவே மாட்டீங்க!!.

அனுபவமோ