சீனாவில் புல்லட் ரெயில் விபத்தில் சாவு 33ஆக உயர்வு

by **இளமாறன்** Sun Jul 24, 2011 5:26 pm

சீனாவில் புல்லட் ரெயில் விபத்தில் சாவு 33ஆக உயர்வு
Beijing ஞாயிற்றுக்கிழமை, ஜூலை 24, 11:35 AM IST

சீனாவில் புல்லட் ரெயில்கள் இயக்கப்பட்டு வருகின்றன. நேற்று அதிவேக புல்லட் ரெயில் ஒன்று ஹாங்ஷு நகரில் இருந்து தென்பகுதியில் உள்ள பியூஷுவுக்கு புறப்பட்டு சென்றது.

இரவு 8.27 மணியளவில் ஷிஜியாங் மாகாணத்தில் உள்ள வென்ஷு நகரில் ஷுயாங் யூ பகுதியில் சென்றபோது திடீரென மின்னல் தாக்கியது. இதனால் மின்சாரம் தடை ஏற்பட்டது. இதைத் தொடர்ந்து ரெயில் இயங்காமல் அங்குள்ள பாலத்தில் அப்படியே நின்று விட்டது.

அந்த நேரத்தில் பெய்ஜிங்கில் இருந்து பியூஷுவுக்கு சென்ற மற்றொரு புல்லட் ரெயில் நின்று கொண்டிருந்த ரெயில் மீது பயங்கரமாக மோதியது. இதனால் 2 ரெயில்களின் பல பெட்டிகள் ஒன்றுடன் ஒன்று மோதி தடம்புரண்டன.

இதனால் ரெயில் பெட்டிகள் நொறுங்கி சேதம் அடைந்தன. இந்த விபத்தில் 2 ரெயில்களிலும் பயணம் செய்த 33 பேர் அதே இடத்தில் உடல் நசுங்கி இறந்தனர். மேலும், 200 பேர் காயம் அடைந்தனர். அவர்கள் அனைவரும் ஆஸ்பத்திரியில் அனுமதிக்கப்பட்டனர். அவர்களுக்கு அங்கு தீவிர சிகிச்சை அளிக்கப்படுகிறது.

தகவல் அறிந்ததும் மீட்பு குழுவினர் விரைந்து வந்தனர். அவர்கள் மீட்பு நடவடிக்கையில் ஈடுபட்டனர். கிரேன்கள் கொண்டு வரப்பட்டு தடம்புரண்ட ரெயில் பெட்டிகள் அங்கிருந்து அப்புறப்படுத்தப்பட்டன.

நொறுங்கிய நிலையில் சிதைந்து கிடந்த ரெயில் பெட்டிகள் வெல்டிங் மூலம் வெட்டி எடுக்கப்பட்டன. அதற்குள் சிக்கி கிடந்த உடல்கள் மற்றும் காயமடைந்தவர்கள் மீட்கப்பட்டனர். விபத்துக்குள்ளான 2 ரெயில்களிலும் 1400 பேர் பயணம் செய்தனர். அவர்களில் காயம் இன்றி உயிர் தப்பியவர்கள் பஸ்கள் மூலம் அனுப்பி வைக்கப்பட்டனர்.

சீனஅதிபர் ஷுஜிந்தாவோ, பிரதமர் வென்ஜியா பாவோ ஆகியோர் இது குறித்து ஒரு அறிக்கை வெளி யிட்டுள்ளனர். அதில், மீட்பு நடவடிக்கைகள் துரிதமாக நடைபெற உத்தரவிட்டுள்ளனர்.