ஏழையின் கட்டை விரல்

by வித்யாசாகர் Wed Sep 16, 2009 5:22 pm

ஏழையின் கட்டைவிரல்

ஏழையின் கட்டை விரல் Babythumb

கட்டை விரல்..

கட்டை விரல் கடவுள்!

ஆம்!இந்த
கட்டைவிரல் கடவுள் தான்;

எங்களின்
வாழ்க்கையை
ஒவ்வொரு -
மாதமும்
ஒரு சின்ன -
ஒத்தியெடுப்பில் -
புரட்டிப் போடுகிறதிந்த
கட்டைவிரல்;

கை நீட்டி -
நாங்கள் வாங்கிய
சம்பளத்தில் ஒன்று கூட
அந்த கை நாட்டிற்கு
நன்றி தெரிவிப்பதில்லை;

கேட்டால் -
கட்டை விரல் சொன்னது,
பணம் கண்ணை
மறைக்குதாம்;

மனிதர்களே -
அப்படித் - தானென்கையில்..
பாவம்-
கட்டைவிரலென்ன செய்யும்!

அதோ..

அதோ.. போகிறது பார்..
நெட்டையாய் நிமிர்ந்த
பணக்கார
கட்டைவிரல்;

இத்தனை அழகாய் இருந்து
என்ன செய்ய-
எங்களின் படிப்பறிவில்லா ஏழையின்
கட்டை விரலுக்கு
ஒத்தி எடுத்தால் பணம்;
உன்னால் முடியுமா - பணக்கார கட்டைவிரலே???

போதும் போதும் ..
கூடுதல்பேசாதே என
என் கட்டை கட்டைவிரலை
முறைத்துவிட்டு -

கட்டைவிரல்
மையை தலையில் தேய்த்தவாறு
விரலை பார்த்துக் கொண்டே
நடக்கிறேன்..,

எங்களின் ஏழ்மையின்
அடையாளங்கள்
கட்டைவிரலில் கூட
அழியவில்லை!!
----------------------------------
வித்யாசாகர்

by **சிவா** Wed Sep 16, 2009 5:33 pm

கட்டைவிரலுக்குக் கூட கவியா? அருமையான வரிகள்! வாழ்த்துக்கள் வித்யா!

by ரூபன் Wed Sep 16, 2009 8:14 pm

by பிரகாஸ் Wed Sep 16, 2009 8:29 pm

கையின் இயக்கத்தில் கட்டை விரலுக்குதான் பெரும் பங்குண்டு

by மீனு Wed Sep 16, 2009 9:17 pm

வித்யாசாகர் ..எப்படி வித்யாசாகர ஒரு கட்டை விரலுக்கு இப்படி ஒரு கவிதையா.. அருமை ..ஒவ்வொரு விரலும் பேசுவது போல அமைத்த கவிதை வரிகள் சூப்பர்.. கலக்கிட்டீங்க வித்யாசாகர் ..பாராட்டுக்கள் ..நன்றிகள்