கீழ்ப்பாக்கம் மருத்துவமனையில் தீ : 2 பேர் பலி

by **இளமாறன்** Sat Jul 23, 2011 6:14 pm

கீழ்ப்பாக்கம் மருத்துவமனையில் தீ : 2 பேர் பலி

சென்னை கீழ்ப்பாக்கம் மருத்துவமனையில் இன்று காலை மருத்துவமனையின் கீழ்தளத்தில் அமைந்துள்ள ஐ.சி.யு., பிரிவில் உள்ள ஏ.சி., மிஷினில் தீ பிடித்து இந்த விபத்து ஏற்பட்டிருக்கலாம் என சந்தேகிக்கப்படுகிறது.

இந்த விபத்தில் சிக்கி, கிருஷ்ணா பாய் (72) மற்றும் தமிழ்ச்செல்வி (45) என்ற இரு பெண்கள் பரிதாபமாக உயிரிழந்தனர்.

தீவிபத்து நிகழ்ந்ததையடுத்து, மேல்மாடியில் இருந்த நோயாளிகள் மற்ற வார்டுகளுக்கு மாற்றப்பட்டனர்.

இந்த விபத்தில் சிக்கி மேலும் 6பேர் படுகாயமடைந்துள்ளனர்.

சம்பவம் நடந்த இடத்தை தமிழக செய்தித்துறை மற்றும் சட்டத்துறை அமைச்சர் செந்தமிழன் நேரில் பார்வையிட்டார்.

by **ஜாஹீதாபானு** Sat Jul 23, 2011 6:37 pm

by sathishkumar2991 Sat Jul 23, 2011 6:39 pm

கீழ்ப்பாக்கம் மருத்துவமனையில் தீ : 2 பேர் பலி 440806

சொகமான நினைவு

by தே.மு.தி.க Sat Jul 23, 2011 6:39 pm

by ரேவதி Sat Jul 23, 2011 6:40 pm

by **ஸ்ரீஜா** Sat Jul 23, 2011 6:42 pm

மிகவும் வேதனை படக்கூடிய விஷயம் சோகம்

by SK Sat Jul 23, 2011 7:01 pm

by ல.தி.மு.க Sat Jul 23, 2011 7:02 pm

அதாவது உடல்நலக்குறைவு என்றாள் மருத்துவமனைக்கு செல்வார்கள்.
ஆனால் அங்கேயே குறை என்றாள் எங்கே போவார்கள்? சோகம்

by **உமா** Sat Jul 23, 2011 7:05 pm

தீ காயமென்றால் மருத்துவ மனைக்கு செல்வோம்...
அங்கேயே தீ என்றால் எங்கே செல்வதோ....
சோகம்

by **இளமாறன்** Sat Jul 23, 2011 8:12 pm

முதலமைச்சர் ஜெயலலிதா வெளியிட்டுள்ள அறிக்கையில்,

’’இன்று (23.7.2011) அதிகாலை கீழ்ப்பாக்கம் மருத்துவக் கல்லூரி மருத்துவமனையில் மின்கசிவால் ஏற்பட்ட தீ விபத்தின் காரணமாக எழுந்த புகை மூட்டத்தில்,

அம்மருத்துவமனையில் தீவிர சிகிச்சைப் பிரிவில் ஆபத்தான நிலையில் அனுமதிக்கப்பட்டிருந்த நோயாளிகளான பூந்தமல்லி, செந்நீர்குப்பத்தைச் சேர்ந்த தமிழரசி, கொடுங்கையூர், எருக்கஞ்சேரியைச் சேர்ந்த கிருஷ்ணா பாய் மற்றும் அம்பத்தூரைச் சேர்ந்த நந்தகோபால் என்பவர்கள் மூச்சுத் திணறல் காரணமாக உயிரிழந்தார்கள் என்ற செய்தியை அறிந்து நான் மிகுந்த துயரம் அடைந்துள்ளேன்.

இந்த விபத்தில் அகால மரணமடைந்தவர்களின் குடும்பத்தினருக்கு எனது ஆழ்ந்த இரங்கலையும், அனுதாபத்தையும் தெரிவித்துக் கொள்கிறேன்.

இந்தத் துயரச் சம்பவத்தில் உயிரிழந்தவர்களின் குடும்பங்கள் ஒவ்வொன்றுக்கும் தலா இரண்டு லட்சம் ரூபாய் முதல்-அமைச்சரின் பொது நிவாரண நிதியிலிருந்து வழங்க நான் உத்தரவிட்டுள்ளேன்.

மேலும், மின்கசிவால் இது போன்ற சம்பவம் ஏற்பட்டது மிகவும் துரதிருஷ்டவசமானதாகும். இது போன்ற சம்பவங்கள் இனி ஏற்படாமல் இருக்க முன் எச்சரிக்கை நடவடிக்கைகளை அனைத்து அரசு மருத்துவ மனைகளிலும் எடுக்கப்பட வேண்டும் என்றும் நான் உத்தரவிட்டுள்ளேன்’’ என்று கூறியுள்ளார்.