டோனி பந்து வீசியதற்கு கபில்தேவ் கண்டனம்

by **இளமாறன்** Sat 23 Jul 2011 - 18:10

சனிக்கிழமை, 23, ஜூலை 2011 (15:20 IST)

டோனி பந்து வீசியதற்கு கபில்தேவ் கண்டனம்

இங்கிலாந்துக்கு எதிரான முதல் டெஸ்ட் போட்டியின் நேற்றைய 2-வது நாள் ஆட்டத்தில் இந்திய அணி கேப்டன் டோனி பந்து வீசினார். முன்னணி வீரர் ஜாகீர்கான் இல்லாததாலும், பவுலர்கள் பந்து வீசி சோர்வடைந்ததாலும் அவர் பந்து வீசினார்.

டோனி நேற்று 8 ஓவர்கள் வீசினார். ஒரு ஓவர் மெய்டனாக இருந்து 23 ரன் கொடுத்தார். ஒரு விக்கெட் கைப்பற்ற வேண்டியது அப்பீல் முடிவால் பீட்டர்சன் அவுட் ஆவதில் இருந்து தப்பித்தார். டோனி பந்து வீசுவது இது முதல் முறையல்ல. இதற்கு முன்பு 3 முறை டெஸ்டில் பந்து வீசி இருக்கிறார்.

விக்கெட் எதுவும் கைப்பற்றவில்லை. ஆனால் ஒரு நாள் போட்டியில் 2 ஓவர் வீசி 14 ரன் கொடுத்து 1 விக்கெட் கைப்பற்றியுள்ளார். ஏற்கனவே விக்கெட் கீப்பர்களாக இருந்த செய்யது கிர்மானி, கிரண்மோரே, அஜய் ரத்ரா ஆகியோரும் பவுலிங் செய்து உள்ளனர்.

இந்த நிலையில் பந்து வீசியதற்காக டோனியை முன்னாள் கேப்டன் கபில் தேவ் விமர்சனம் செய்து உள்ளார்.

அவர், ‘’டோனி, தானே முன்வந்து பந்து வீசியது டெஸ்ட் கிரிக்கெட் போட்டியை கேலி-கிண்டல் செய்வது போல் இருந்தது. லார்ட்ஸ் டெஸ்டின்2-வது நாள் ஆட்டத்தில் டோனியின் இந்த முடிவை ஏற்றுக் கொள்ள இயலாது அவர் பந்து வீசி இருக்கக் கூடாது. ஜாகீர்கான் ஒரு பொறுப்பான பவுலர். தற்போது அணியில் ஏற்பட்டுள்ள பிரச்சினைக்கு அவரே பொறுப்பு.

இங்கிலாந்துக்கு எதிரான டெஸ்ட் தொடரில் ஆடுவதற்கு முன்பு அவர் உடல் தகுதியை பரிசோதனை செய்து இருக்க வேண்டும் அவரது உடல் தகுதி பற்றி அவருக்குத்தான் தெரியும். டெஸ்ட் போட்டியில் ஒரு நாளைக்கு 20 ஓவர் வீசுவது என்பது கடினம்தான் இதற்கு அவரே முழு பொறுப்பு. இந்தச் டெஸ்டில் இந்தியாவின் வாய்ப்பை அவர் சாகடித்து விட்டார்’’ என்று தெரிவித்துள்ளார். நக்கீரன்

by kitcha Sat 23 Jul 2011 - 18:16

கேப்டன் என்பவர், ஒரு அணி பேட்டிங்கில் அல்லது பவுலிங்கில் திணறும் போது சரியான முடிவை எடுப்பவராக இருக்க வேண்டும்.அந்த வகையில் தோனி மிகச் சிறந்த கேப்டனே.

by தே.மு.தி.க Sat 23 Jul 2011 - 18:29

கபில்சார் இதில் என்ன தப்பு இருக்கு

by sathishkumar2991 Sat 23 Jul 2011 - 18:34

கேப்டன் என்பவர் விஜய் மாதிரி அடிக்கமட்டும்தான் செய்யனும்

by **ஸ்ரீஜா** Sat 23 Jul 2011 - 18:44

kitcha wrote:கேப்டன் என்பவர், ஒரு அணி பேட்டிங்கில் அல்லது பவுலிங்கில் திணறும் போது சரியான முடிவை எடுப்பவராக இருக்க வேண்டும்.அந்த வகையில் தோனி மிகச் சிறந்த கேப்டனே.

by **ரா.ரமேஷ்குமார்** Sat 23 Jul 2011 - 18:59

டோனி செய்ததில் தவறு ஒன்றும் இல்லையே அவர் பந்து வீச கூடாது என்று எதாவது விதி உள்ளதா இதற்க்கும் டெஸ்ட் கிரிக்கெட்யை கேலி செய்வதற்க்கும் என்ன சம்பந்தம் இவர் தான் இப்படி சொல்லி கேலி செய்கிறார்...

by spselvam Sat 23 Jul 2011 - 19:05

இளமாறன் wrote: ஜாகீர்கான் ஒரு பொறுப்பான பவுலர். தற்போது அணியில் ஏற்பட்டுள்ள பிரச்சினைக்கு அவரே பொறுப்பு.

இங்கிலாந்துக்கு எதிரான டெஸ்ட் தொடரில் ஆடுவதற்கு முன்பு அவர் உடல் தகுதியை பரிசோதனை செய்து இருக்க வேண்டும் அவரது உடல் தகுதி பற்றி அவருக்குத்தான் தெரியும். டெஸ்ட் போட்டியில் ஒரு நாளைக்கு 20 ஓவர் வீசுவது என்பது கடினம்தான் இதற்கு அவரே முழு பொறுப்பு. இந்தச் டெஸ்டில் இந்தியாவின் வாய்ப்பை அவர் சாகடித்து விட்டார்’’ என்று தெரிவித்துள்ளார்.

முன்னணி வீரர் ஜாகீர்கான் இல்லாததாலும், பவுலர்கள் பந்து வீசி சோர்வடைந்ததாலும் தோனி பந்து வீசினார். கேப்டன் என்ற முறையில் ஜாகீரின் உடல் தகுதி பற்றி தோனி அறிந்திருக்க வேண்டும். இப்போது முன்னணி பௌலர் இல்லாதாதால்தான் தோனி பந்து வீச வேண்டிய நிலமை ஏற்பட்டது. ஜாகீர்கான் உடல் தகுதி பரிசோதனை செய்து இருந்தால், அவரின் உடல் நிலையை காரணம் காட்டி வேறு பௌலர் தேர்வு செய்து இழப்பை தடுத்து இருக்கலாம். இதற்காகதான் தோனியை கபில் குறை கூறுகிறார்.