மும்பையில் அடுக்குமாடி வீடு மாத வாடகை ரூ.1.65 லட்சம்

by **இளமாறன்** Sat 23 Jul 2011 - 14:44

மும்பையில் அடுக்குமாடி வீடு மாத வாடகை ரூ.1.65 லட்சம்

பதிவு செய்த நாள் : 7/23/2011 1:11:47

மும்பை : நாட்டின் வர்த்தக தலைநகரான மும்பையில் 1,100 சதுர அடி அடுக்குமாடி குடியிருப்பு வீட்டின் மாத வாடகை, இதுவரை இல்லாத அதிகபட்சமாக ஸி1.65 லட்சத்தை தொட்டுள்ளது. மும்பையின் பிரபல பகுதியாக வோர்லி உள்ளது. குடியிருப்புகள் நிறைந்ததுடன் நகரின் மையப் பகுதியிலும் அது அமைந்துள்ளது. வர்த்தக பகுதிகளுக்கு அருகில் இருப்பதுடன் சமூக அமைப்புகள், நல்ல கட்டமைப்பு வசதிகளையும் கொண்டுள்ளது.

எனவே மும்பையில் குடியேறுவோரின் முதல் சாய்சாக வோர்லி இருக்கிறது. அங்கு வாடகைக்கு குடியேற வருவோரின் எண்ணிக்கை மற்ற பகுதிகளைவிட அதிகம். அதற்கேற்ப வீட்டின் வாடகையும் நாளுக்கு நாள் அதிகரித்து வருகிறது. மும்பை முழுவதும் கடந்த ஆண்டைவிட இப்போது வாடகை சராசரியாக 4 சதவீதம் உயர்ந்துள்ளது.

வோர்லியின் முக்கிய சாலையில் உள்ள அடுக்குமாடி குடியிருப்பில் உள்ள 1,100 சதுர அடி வீடு சமீபத்தில் ரூ.1.65 லட்சம் மாத வாடகையில் விடப்பட்டுள்ளது. மும்பையில் அடுக்குமாடி குடியிருப்பு வீட்டின் வாடகையில் இதுவே அதிகபட்சமாகும். சென்னையின் கிழக்கு கடற்கரை சாலையில் தனி வீடு அதிகபட்சமாக ரூ.1.1 லட்சம் மாத வாடகைக்கு விடப்பட்டுள்ளது. அதன் மொத்த பரப்பு 4,500 சதுர அடி. முழுதும் அலங்கரிக்கப்பட்ட வசதிகளுடன், மரச்சாமான்கள், ஏசி உட்பட வீட்டு சாமான்களுடன் அது வாடகைக்கு விடப்பட்டது.