கூகிள்

நமக்கு ஒரு தகவல் தேவைப்படும்போது, கூகுள் தேடல் சாதனைத்தைப் பயன்படுத்துகிறோம். நம்மைப் பற்றிய தகவல் தேவைப்படுகையில், கூகுளைத் தொடர்பு கொண்டு பெற முடியுமா? எல்லாரும் பெற முடியாது. அரசு மற்றும் பொது நிறுவனங்கள் பெற முடியும். இவை வைத்திடும் அனைத்து வேண்டுகோள் களையும் விண்ணப்பங்களையும் கூகுள் நிறைவேற்றும் என்றும் சொல்ல முடியாது.
இந்த வகையில் அமெரிக்கா மற்றும் பிரேசில் அரசுகளே, கூகுளிடம் தகவல் கேட்டவகையில் முதல் இடத்தில் உள்ளன. இந்தியா மூன்றாவது இடத்தில் உள்ளது. சென்ற 2010 ஆம் ஆண்டில் மட்டும் ஏறத்தாழ 3,000 பேர் குறித்த தகவல்களை, இந்திய அரசு கேட்டதாகவும், கூகுள் சிலவற்றைத் தவிர்த்து மற்றவற்றைத் தந்ததாகவும் கூறப்படுகிறது. சில மாநில முதலமைச்சர்கள் மற்றும் மூத்த அதிகாரிகள் குறித்த வீடியோ பதிவுகளை நீக்குமாறு இந்தியா சார்பில் வேண்டுகோள்கள் வைக்கப்பட்ட போது, கூகுள் மறுத்துவிட்டது. இது போல ஆண்டுக்கு 100 வேண்டுகோள்களை இந்தியா கூகுள் நிறுவனத்திடம் கொண்டு செல்கிறது.
பெரும்பாலும் கூகுள் இமெயில் சேவை வழியே சென்ற தகவல்களை அரசு மற்றும் சட்டத்தினை அமல்படுத்தும் துறைகள் கேட்கின்றன. மேலும் கூகுள் வசதிகளைப் பயன்படுத்தி, இணையத்தில் தேடும் தகவல்கள் குறித்தும் இவை விசாரிப்பதாக கூகுள் அறிவித்துள்ளது.
சென்ற ஜூலை முதல் டிசம்பர் வரையிலான காலத்தில், இந்திய அரசாங்கம் மற்றும் புலனாய்வுத் துறை, 1,699 வேண்டுகோள் கடிதங்களை அனுப்பியதாகவும், அதற்கு முந்தைய ஆறு மாத காலத்தில் இது 1,430 ஆக இருந்ததாகவும் அறிவிக்கப்பட்டுள்ளது.
கூகுள் இவற்றில் 79% விண்ணப்பங் களுக்கான தகவல்களைத் தந்து உதவியுள்ளது. பல வேண்டுகோள்களைப் பொறுத்தவரை அனைத்து தகவல்களையும் தராமல், குறிப்பிட்ட அளவிலான தகவல்களை மட்டுமே தந்துள்ளது.

தகவலுக்கு நன்றி சுரேஷ்

தகவலுக்கு நன்றி!!