ஏர்டெல் பிரீ-பெய்டு கட்டணத்தை 20% வரை உயர்த்தியது

புது டெல்லி ஜூலை 22-

நாட்டின் தொலை தொடர்பு நிறுவனங்களில் அதிக சந்தாதாரர்களை பெற்றுள்ள பார்தி ஏர்டெல்,அதன் பிரீ-பெய்டு ("அட்வான்டெஜ்"),"ஃப்ரீடம்" பேக் கட்டணங்களை 20 சதவீத அளவிற்கு உயர்த்தியுள்ளது.

"அட்வான்டெஜ்" பேக் சந்தாதாரர்கள் நிமிடத்திற்கு 50 பைசாவாக உள்ளூர் அழைப்புகள் மற்றும் எஸ்டிடி அழைப்புகளுக்கு இனி, 60 பைசா என்ற அளவிலும், லேண்ட்லைன் அழைப்புகளுக்கு நிமிடத்திற்கு 90 பைசா என்ற அளவிலும் அதிகரிக்கப்பட்டுள்ளது.

அதேபோல், உள்ளூர் எஸ்எம்எஸ்களுக்கான கட்டணம் ரூ. 1 என்றும், தேசிய எஸ்எம்எஸ்களுக்கு ரூ. 1.50 என்ற அளவிலும் அதிகரிக்கப்பட்டுள்ளது. ஃப்ரீடம் பேக் எனப்படும் செகண்ட்ஸ் அடிப்படையாகக் கொண்ட சந்தாதாரர்களுக்கு செகண்டிற்கு 1 பைசா என்ற அளவில் இருந்த உள்ளூர் மற்றும் எஸ்டிடி கட்டணம் இனி, செகண்டிற்கு 1.2 பைசா என்ற அளவில் அதிகரிக்கப்பட்டுள்ளது.

இந்த புதிய கட்டண உயர்வு முதற்கட்டமாக, டில்லி, குஜராத், ராஜஸ்தான், ஆந்திரா, கேரளா மற்றும் மத்தியபிரதேசத்தில் அமலுக்கு வந்துள்ளது.விரைவில் மற்ற மாநிலங்களிலும் அமலுக்கு வருகின்றது

இந்த புதிய கட்டண உயர்வு உடனடியாக அமல்படுத்தப்படுகிறது. ரேட் கட்டர் கார்டு உபயோகிப்பவர்கள், அந்த கார்டின் வேலிடிட்டி முடிந்தவுடன் இந்த புதிய கட்டணம் வசூலிக்கப்படும் என்றும் தெரிவிக்கப்பட்டுள்ளது.

சமீபத்திய TRAI அறிக்கை படி, கடந்த மே 2011 ல் ஏர்டெல் 16.7 கோடி மொபைல் போன் வாடிக்கையாளர்களையும் சந்தையில் 19.88 சதவீத பங்குகளும் பெற்றுள்ளது

மாலைமலர்

முன்னாடியெல்லாம் 50 ரூ க்கு ரீசார்ஜ் செஞ்ச 44 ஏறும். இப்ப 38 தான் ஏறுது.

ஏர்டெல் ஒரு கொலைகார நெட்வொர்க்,எதற்காக பணத்தை பிடிக்கிறார்கள் என்று யாருக்கும் தெரியாது.