நட்பு பாதை

தர்மா1 · தர்மா1 Sat Jul 23, 2011 1:39 pm

நிலா வெளிச்சத்தில் மணல் பரப்பி
கிச்சு கிச்சு தாம்பாளம் என்னோடு விளையாடிய
சங்கரி

மரம் ஏறி புளியங்காய் பறித்து டவுசர் பை நிறயா
தந்த கணேசன்

12 ஆம் வகுப்பில் முதன் முதலாக வயது வந்தோர்
படம் பார்க்க கூட்டிசென்ற ராமசாமி

கல்லூரியிலே முதன் முதலாக யாரும் பேசாத போது
என்னடா மாப்ள எந்த ஸ்கூல் ல இருந்து வர்ற என்று
ஸ்னேகம் பாராட்டிய முத்தையா

முதல் நாள் வேலைக்கு போகும் போது பஸ் செலவுக்கும்
மத்தியான சாபாட்டுக்கும் எந்த ரூவாவ வச்சுக்க என்று
கலங்க வைத்த ரூம் மேட் கோபால் சாமி

மொழி தெரியாத மாநிலத்தில் யாருமே சீந்தாத நிலையில்
மே ஆப்கே பாஸ் கை என்று எந்த எதிர்பார்ப்பும் இல்லாமல்
உதவிய டெவுல்கர்

ஈகரையில் முக அறிமுகம் இல்லாமல் ஆக அன்போடு உள்ள
சகோத சகோதரிகள் என

நட்பு மட்டும் ஏனோ கரையை மறுபடி மறுபடி தொட துடிக்கும்
கடல் போல தொட்டு தொட்டு போய்க்கொண்டிருக்கிறது

நினைவிருக்கும் வரை நட்புடன்
தர்மா.ர.