இறந்த செய்தி பொய் ஓமர் உயிருடன் உள்ளார் தலிபான்கள் அறிவிப்பு

by **ந.கார்த்தி** Fri Jul 22, 2011 10:39 pm

காந்தகார் : செல்போனை
ஹேக்கிங் செய்து முல்லா ஓமர் இறந்ததாக பொய்யான செய்தியை அமெரிக்கர்கள்
பரப்பியுள்ளனர். ஓமர் உயிருடன்தான் இருக்கிறார் என்று தலிபான் செய்தி
தொடர்பாளர் தெரிவித்துள்ளார். சர்வதேச பயங்கரவாதிகளில் ஒருவர் முல்லா ஓமர்.
1996&2001 வரை காபூலில் இயங்கிய தலிபான் தீவிரவாத அமைப்புக்கு தலைமை
ஏற்றதுடன், அமெரிக்க இரட்டை கோபுரத்தை தாக்கிய அல்கய்தாவினருக்கும் உதவி
செய்துள்ளார். இதையடுத்து ஓமரை தேடும் பணியில் அமெரிக்க படைகள் தீவிரமாக
இறங்கியது.

இந்நிலையில் ஓமர் இறந்து விட்டார் என்று ஆப்கானிஸ்தான் இஸ்லாமிக் அமீரக
கவுன்சிலின் தலைவர் ஜபிஹுல்லா முஜாஹித் செல்போன் மூலம் மீடியாவுக்கு தகவல்
தெரிவித்ததாக செய்தி வெளியானது. ஆனால், இதை முஜாஹித் உறுதியாக
மறுத்துள்ளார். மேலும் அவர் கூறுகையில், அமெரிக்கர் சிலர் உயர்
தொழில்நுட்பத்தை பயன்படுத்து தங்கள் செல்போன்களுக்குள் ஊடுருவி ஹேக்கிங்
செய்துள்ளனர்.

இது குறித்து தலிபான் செய்தி தொடர்பாளர் குயாரி யூசுப் அகமதி கூறுகையில்,
தலிபான் அமைப்பினர் செல்போனை மேற்கத்திய நாட்டினர் சிலர் ஹேக்கிங் செய்து,
பின்னர் தங்கள் செல்போன் நம்பரில் இருந்து ஓமர் இறந்ததாக பொய்யான செய்தியை
மீடியாவுக்கு அனுப்பியுள்ளனர். எனவே, இந்த செய்தி முற்றிலும் உண்மைக்கு
புறம்பானது. ஓமர் உயிருடன்தான் இருக்கிறார் என குயாரி தெரிவித்தார்.
தட்ஸ் தமிழ் இறந்த செய்தி பொய் ஓமர் உயிருடன் உள்ளார் தலிபான்கள் அறிவிப்பு 678642

இறந்த செய்தி பொய் ஓமர் உயிருடன் உள்ளார் தலிபான்கள் அறிவிப்பு 678642