குற்றாலத்துக்கு வரவேற்கிறேன். அன்புடன் முருகேசன்

by murugesan Fri Jul 22, 2011 1:42 pm

ஈகரை அன்பர்கள் அனைவரையும் குற்றாலத்துக்கு வரவேற்கிறேன்.
:வணக்கம்:

குற்றாலம் சாரல் திருவிழா வரும் 23ம் தேதி ஆரம்பமாகிறது. இதில் 3 அமைச்சர்கள் பங்கேற்கின்றனர். இதனையொட்டி பல்வேறு போட்டிகளுக்கு ஏற்பாடுகள் செய்யப்பட்டுள்ளது. குற்றாலம் சாரல் விழா கலைவாணர் கலை அரங்கத்தில் வரும் 23ம் தேதி மாலை 6 மணிக்கு ஆரம்பமாகிறது. அமைச்சர் கருப்பசாமி தலைமை வகிக்கிறார். சாரல் விழாவை துவக்கி வைத்து அமைச்சர் கோகுல இந்திரா, கலைநிகழ்ச்சிகளை துவக்கி வைத்து அமைச்சர் செந்தூர் பாண்டியன் சிறப்புரை ஆற்றுகின்றனர். எம்.பிக்கள் பால்மனோஜ் பாண்டியன், லிங்கம், எம்.எல்.ஏ சரத்குமார் முன்னிலை வகிக்கின்றனர். கலெக்டர் நடராஜன் வரவேற்கிறார்.

இதில் எம்.பிக்கள், எம்.எல்.ஏக்கள், உள்ளாட்சி அமைப்புகளின் பிரதிநிதிகள், அதிகாரிகள் உட்பட பலர் கலந்து கொள்கின்றனர். டி.ஆர்.ஓ ரமண சரஸ்வதி நன்றி கூறுகிறார். இரவில் மாவட்ட அரசு இசை பள்ளி மாணவ, மாணவிகளின் இசை சங்கமம், கேரளா சிங்காரி மேளம், பரத நாட்டியன், ஸ்ரீகாந்த் தேவா இன்னிசை நிகழ்ச்சி ஆகியவை நடக்கிறது. தொடர்ந்து தினமும் பல்வேறு கலைநிகழ்ச்சிகள் நடக்கிறது.

போட்டிகள்: வரும் 24ம் தேதி குற்றாலம் கலைவாணர் அரங்கில் மதியம் 2.30 மணிக்கு ஆணழகன் போட்டி, 25ம் தேதி மாலை 3 மணிக்கு குற்றாலம் நீச்சல் குளத்தில் நீச்சல் போட்டி, 26ம் தேதி காலை 10.30 மணிக்கு கோலப் போட்டி, 27ம் தேதி காலை 10.30 மணிக்கு இந்திய கலாச்சார ஆடை அலங்காரம் மற்றும் கொழு, கொழு குழந்தைகள் போட்டி, 28ம் தேதி மதியம் 2 மணிக்கு நாய்கள் கண்காட்சி, 29ம் தேதி மாலை 3 மணிக்கு பழைய குற்றாலம் ஹில்டன் பள்ளி அருகில் ரோலர் ஸ்கேட்டிங், 30ம் தேதி காலை 10.30 மணிக்கு சுற்றுலா வளர்ச்சி கழக படகு குழாமில் படகு போட்டி ஆகியவையும் நடக்கிறது.

நிறைவு விழா: வரும் 30ம் தேதி மாலை 6 மணிக்கு நடக்கும் நிறைவு விழாவில் கலெக்டர் நடராஜன் தலைமை வகித்து படகு போட்டியில் வெற்றி பெற்றவர்களுக்கு பரிசுகளை வழங்கி பேசுகிறார். எம்.பிக்கள் பால் மனோஜ்பாண்டியன், லிங்கம், எம்.எல்.ஏ சரத்குமார் முன்னிலை வகிக்கின்றனர். இதில் பல்வேறு துறை அரசு அதிகாரிகள், உள்ளாட்சி அமைப்புகளின் பிரதிதிகள் உட்பட பலர் கலந்து கொள்கின்றனர்.