ஆசைக்கு இணங்க மறுத்த காதலியை துப்பாக்கியால் சுட்ட காதலன்

பிரகாஸ் · பிரகாஸ் Wed 16 Sep 2009 - 3:44

திருவண்ணாமலை அருகே ஆசைக்கு இணங்க மறுத்த காதலியை நாட்டுத் துப்பாக்கியால்
சுட்டுவிட்டு தப்பிய காதலனை போலீசார் தேடிவருகின்றனர்.

திருவண்ணாமலை மாவட்டம் ஜமுனாமரத்தூர் அருகே பெருங்காட்டூர்
கிராமத்தை சேர்ந்தவர் அண்ணாமலை. இவரது மகள் சினேகா (19) (பெயர் மாற்றப்பட்டுள்ளது).
அதே பகுதியில் வசிக்கும் உறவினர் மகன் தாமோதரனும் (20) சினேகாவும் காதலித்து
வந்தனர். அடிக்கடி தனிமையில் சந்தித்து பேசிவந்தனர். இந்நிலையில் நேற்றிரவு 8.30 மணியளவில் பெருங்காட்டூர் மலையடிவார பகுதியில் இருவரும்
பேசிக் கொண்டிருந்தனர். வேட்டைக்கு செல்வதற்காக நாட்டு துப்பாக்கியை தாமோதரன்
கொண்டு வந்திருந்தார். இரவு 11 மணிக்கு மேலாகியும் இருவரும் பேசிக் கொண்டே
இருந்தனர். அப்போது தாமோதரன் திடீரென, சினேகாவிடம் சில்மிஷம் செய்துள்ளார். "நாம்
காதலிப்பதே பெற்றோருக்கு தெரியாது. இப்படியெல்லம் நடப்பது தெரிந்தால் என்னை
கொன்றேவிடுவார்கள்" என்று சினேகா மறுத்துள்ளார்.

பிரகாஸ் · பிரகாஸ் Wed 16 Sep 2009 - 3:44

மணந்தால் உன்னைத்தான் மணப்பேன். பயப்படாதே" என்று தாமோதரன் கூறிய ஆசைவார்த்தைகளை
அவர் நம்ப வில்லை. இதனால் இருவருக்கும் தகராறு ஏற்பட்டுள்ளது. ஆத்திரமடைந்த
தாமோதரன், நாட்டுத் துப்பாக்கியால் சினேகாவை சுட்டுவிட்டு அங்கிருந்து தப்பி
ஓடிவிட்டார்.

வயிற்றில் துப்பாக்கி ரவை பாய்ந்ததில் அவர் சுருண்டு
விழுந்தார். துப்பாக்கி வெடிக்கும் சத்தம் கேட்டு ஓடி வந்த கிராம மக்கள், சினேகா
மயங்கிக் கிடந்ததை பார்த்து அதிர்ச்சி அடைந்தனர். அவரை மீட்டு வாணியம்பாடி அரசு
மருத்துவமனைக்கு கொண்டு சென்றனர். அங்கு அவருக்கு முதலுதவி சிகிச்சை
அளிக்கப்பட்டது. பின்னர், மேல் சிகிச்சைக்காக வேலூர் அரசு மருத்துவக் கல்லூரி
மருத்துவமனைக்கு அனுப்பிவைத்தனர்.

இதுகுறித்து ஜமுனாமரத்தூர் போலீசார்
வழக்கு பதிவு செய்து தப்பியோடிய தாமோதரனை தேடிவருகின்றனர். இந்த சம்பவம்
அப்பகுதியில் பெரும் பரபரப்பை ஏற்படுத்தி உள்ளது.