மூன்று நோயாளிகளை கொன்ற நர்சு

**சிவா** · **சிவா** Fri 22 Jul 2011 - 6:52

இங்கிலாந்து நாட்டில் ஸ்டாக்போர்ட் நகரில் உள்ள தனியார் ஆஸ்பத்திரியில் சிகிச்சைக்காக அனுமதிக்கப்பட்டு இருந்தவர்களில் 3 பேர் ஒரே நாளில் இறந்தனர். ஜார்ஜ் கிப் (வயது 84), லான் செஸ்டர் (71), டிரேசி ஆடன் (44) என்ற அந்த 3 பேரும் இறக்கக்கூடிய நிலையில் அவர்களது நோய் தீவிரமானதாக இல்லை. எனவே டாக்டர்கள் அவர்கள் மரணத்தில் சந்தேகம் அடைந்தனர். எனவே சோதனை நடத்தியதில் அவர்கள் அதிக வீரியம் கொண்ட மருந்தை எடுத்துக்கொண்டதால் இறந்தது தெரியவந்தது. அவர்களை யாரோ திட்டமிட்டு கொலை செய்து இருப்பது தெரியவந்தது. எனவே போலீசாரிடம் இதுபற்றி புகார் கொடுக்கப்பட்டது.

போலீசார் விசாரணை நடத்தி, அந்த ஆஸ்பத்திரியில் நர்சாக பணிபுரிந்த ரெபெக்கா லிவிங்ஸ்டன் என்பவரை கைது செய்தனர். இவர் நோயாளிகளுக்கு செலுத்தப்பட்டு வந்த குளுகோஸ் திரவ பாட்டிலில் இன்சுலின் மருந்தை ஊசி மூலம் செலுத்தி அவர் தான் 3 பேரையும் கொலை செய்தார் என்பது தெரியவந்தது. இதை அவரும் போலீசாரிடம் ஒப்புக்கொண்டார்.

இதேபோல மேலும் 12 பேருக்கு அவர் குளுக்கோசில் இன்சுலின் மருந்தை செலுத்தி இருந்தார். ஆனால் அவர்கள் உயிர் பிழைத்துக்கொண்டார்கள். 3 பேரையும் கொலை செய்ததற்கான நோக்கம் என்ன என்பதை போலீசார் வெளியிட மறுத்து விட்டனர்.