அரேபியர் என்று தவறுதலாக நினைத்து இந்தியரை சுட்டுக்கொன்ற அமெரிக்கருக்கு மரண தண்டனை

அல்கொய்தா விமானத்தை கடத்தி நிïயார்க் நகரில் உலக வர்த்தக மைய கட்டிடத்தை தகர்த்ததில் தங்கையை பறிகொடுத்த அமெரிக்கர் ஒருவர் அதற்கு பழி வாங்குவதற்காக அரேபியர் என்று நினைத்து இந்தியரை சுட்டுக்கொன்றார். இந்த கொலை வழக்கில் அமெரிக்கருக்கு மரண தண்டனை நிறைவேற்றப்பட்டது.

41 வயது ஸ்ட்ராங்மன்

அமெரிக்காவில் உள்ள டெக்சாஸ் நகரை சேர்ந்தவர் மார்க் ஸ்டராங்மன். 41 வயதான இவர் தங்கை ஒருவர் 2001-ம் ஆண்டு செப்டம்பர் மாதம் 11-ந் தேதி அல்கொய்தா தீவிரவாதிகள் நிïயார்க் நகரில் உள்ள உலக வர்த்தக மையத்தை தகர்த்ததில் உயிர் இழந்தார். இதனால் ஆத்திரம் அடைந்த அவர், தன் தங்கையை கொன்றதற்கு பழிவாங்க துடித்தார்.

அடுத்த மாதமே, டல்லாஸ் நகரில் உள்ள ஒரு மளிகை கடைக்கு சென்றார். அந்த கடை அரேபியர் ஒருவரால் நடத்தப்படுவது ஆகும். அங்கு அரேபியர்களும், பாகிஸ்தானியர்களும் அதிக அளவில் வேலை பார்த்து வருகிறார்கள். அங்கு அவர் அரேபியர்கள் என்று நினைத்து 3 பேரை துப்பாக்கியால் சுட்டார். அவர்களில் ஒருவர் வாசுதேவ் படேல் என்பவர். இவர் இந்தியாவில் பிறந்தவர். 1983-ம் ஆண்டு அமெரிக்காவில் குடியேறினார். இவர் அந்த கடையில் குமாஸ்தாவாக வேலை பார்த்தார். இவர் பலியானார். பாகிஸ்தானில் பிறந்த வாக்கர் ஹாசன் என்பவரும் இறந்தார். 3-வதாக அவர் யாரை நோக்கி சுட்டாரோ அவர் தப்பித்து விட்டார். அவர் பெயர் ராய்ஸ் பூயியான். இவர் வங்காளதேசத்தை சேர்ந்தவர் ஆவார்.

மரண தண்டனை

மார்க் ஸ்ட்ராங்க்மேனை போலீசார் கைது செய்தனர். அவர் மீது கோர்ட்டில் வழக்கு தொடரப்பட்டது. தீவிரவாத நடவடிக்கைக்கு நான் கொடுத்த தேசப்பற்று உள்ள பதிலடி தான் இந்த கொலை என்று ஸ்ட்ராங்மேன் கோர்ட்டில் கூறினார். இந்த வாதத்தை கோர்ட்டு ஏற்றுக்கொள்ளவில்லை. கோர்ட்டு அவருக்கு மரண தண்டனை விதித்து தீர்ப்பு கூறியது.

இந்த சம்பவத்தில் உயிர்பிழைத்த ராய்ஸ் பூயியான் மரண தண்டனை தீர்ப்பை எதிர்த்து வழக்கு தொடர்ந்தார். மன்னிப்பது தான் என் (முஸ்லிம்) மத நம்பிக்கை. எனவே அவரை மன்னிக்க வேண்டும் என்று கோரி இருந்தார். இந்த வழக்கை கோர்ட்டு ஏற்க மறுத்து விட்டது.

அப்பீல்

கோர்ட்டு அவருக்கு மரண தண்டனை விதித்து தீர்ப்பு கூறியது. இதை எதிர்த்து அப்பீல் செய்தார். அப்பீல் கோர்ட்டும் மரண தண்டனையை உறுதி செய்தது. இதைத்தொடர்ந்து டல்லாஸ் நகர சிறையில் அவருக்கு மரண தண்டனை நிறைவேற்றப்பட்டது.

மார்க்குக்கு விஷ ஊசி போட்டதன் மூலம் மரண தண்டனை நிறைவேற்றப்பட்டது. இந்த ஆண்டில் டெக்சாஸ் மாநிலத்தில் மரண தண்டனை நிறைவேற்றப்பட்ட 8-வது நபர் மார்க் ஸ்ட்ராங்மன் ஆவார்.

தினதந்தி

அமெரிக்கனோ உன் உயிர் மட்டுமா உயிர் பாலஸ்தீன் இல் அப்பாவி சிறுவர்களை கூட கொண்டு குவிக்கிரர்களோ இது எல்லாம் உனக்கு வெளங்காத அமெரிக்க சிறைகளில் எத்தனையோ அப்பாவி முஸ்லிம்கள் செய்யாத தப்புக்காக கொடுமை படுத்த படுகிறார்களோ இது எல்லாம் உங்களுக்கு விளங்காத