பாசத்தின் பிரிணாமம் (சோகம்)

by **ayyamperumal** Thu Jul 21, 2011 4:05 pm

எதை உதிர்த்து சொல்லுவேன்
பாசத்தின் பிரிணாமம் (சோகம்) 30242267

அவளின்

சிறகில் தரிக்கிற கர்ப்பம்

நாற்காதலின் அடையாள சிற்பம் :

அவள்

மடிந்து போவதால் தான் _ இங்கே

பலரின் காதல் விடிகிறது :

என் வீட்டின் மூலையில் நின்று

வீதியின் சோலையாய் தெரிந்தவள்

திடீரென

இலை உதிர்த்து குச்சியாய் நிற்கிறாள் - என்

என் இமை நடுவே முள்ளாய் தைக்கிறாள் :

நான் இச்சையோடு வளர்க்கிற

பச்சை தேவதையே _ நீ

சுடரற்ற விளக்காய் போனதென்ன - உன்

சூல்பையில் கருக்கொண்ட சோகம்தான் என்ன ? - என்றேன்.

அன்னையர் அடித்த தினத்தில்

தந்தையை தேடும் குழந்தையாய்

விசும்பிக்கொண்டே விடை பகன்றாள் :

இங்கே

கன்னியர் சிலர் இருந்தனர்

காதலோடு என்னை காத்தனர் :

என்னில்

தண்ணீர் சிந்தும்போது கேட்குமே

வளையலின் சத்தம்: - என்

பூக்களை வெட்டும் போது கிடைக்குமே

விரல்களின் முத்தம் : இந்த

உரமின்றி நான் வளர்வதா - இனியும்

உயிர் கொண்டு வாழ்வதா ?

எதைஎதையோ சீராய் கொடுத்தாயே

என்னையும் கொடுத்தாள் மகிழ்வேனே - என்றது .

தந்து விடுகிறேன் ரோஜா செடியே - ஆனால்

உனக்கிருக்கும் சோகத்தை

இலையுதிர்த்து சொல்லிவிட்டாய்

எனக்குள்ள இதே சோகத்தை - நான்

எதை உதிர்த்து சொல்லுவேன் ?

by **ayyamperumal** Thu Jul 21, 2011 4:17 pm

இங்கு யாரேனும் ரோஜா படத்தை ஒட்டுங்கள் . என்னால் முடியவில்லை

by kitcha Thu Jul 21, 2011 4:22 pm

அருமையான வரிகள், சூப்பருங்க

வாயில்லா (ஜீவன்) செடி சொல்லிவிட்டது சோகத்தை, வாயுள்ள ஜீவனோ வாயிருந்தும் ஊமையாகுகிறான்.

by kitcha Thu Jul 21, 2011 4:25 pm

அய்யம் பெருமாள் .நா wrote: இங்கு யாரேனும் ரோஜா படத்தை ஒட்டுங்கள் . என்னால் முடியவில்லை

by வேணி மோகன் Thu Jul 21, 2011 4:29 pm

செடி இலையுதிர்த்து சொல்லியதைபோலே, நீங்கள் வரியுதிர்த்து சொல்லுங்கள்
வாசிக்கத் தெரிந்தால் சொல்லப்பட்டவருக்கு, நிச்சயம் புரியும்.

வரிகள் அருமை

by **ayyamperumal** Thu Jul 21, 2011 4:35 pm

veni_mohan75 wrote:செடி இலையுதிர்த்து சொல்லியதைபோலே, நீங்கள் வரியுதிர்த்து சொல்லுங்கள்
வாசிக்கத் தெரிந்தால் சொல்லப்பட்டவருக்கு, நிச்சயம் புரியும்.

வரிகள் அருமை

" நன்றி " விளக்கம்தேவை

by வேணி மோகன் Thu Jul 21, 2011 4:40 pm

உனக்கிருக்கும் சோகத்தை
இலையுதிர்த்து சொல்லிவிட்டாய்
எனக்குள்ள இதே சோகத்தை - நான்
எதை உதிர்த்து சொல்லுவேன் ?

இதற்காக சொன்னேன் "செடி இலையுதிர்த்து சொல்லியதைபோலே, நீங்கள் வரியுதிர்த்து சொல்லுங்கள்"

செடியின் உணர்வு உங்களுக்கு புரிந்தது போலே, உங்கள் உணர்வு "வாசிக்கத் தெரிந்தால் சொல்லப்பட்டவருக்கு, நிச்சயம் புரியும்" அப்டீன்னு சொன்னேங்க.

தப்பா ஏதும் சொல்லிட்டேனுன்களா??? சோகம்