சாய்பாபா ஆசிரம நகைகளின் மொத்த மதிப்பு ரூ.59 கோடி;

நகரி, ஜூலை 20-

ஆந்திர மாநிலம் புட்ட பர்த்தியில் ஆசிரமம் அமைத்து ஆன்மீக பணி மற்றும் சமூக பணிகளில் ஈடுபட்டு வந்தவர் சத்யசாய்பாபா. இவர் உடல் நலக் குறைவு காரணமாக கடந்த ஏப்ரல் மாதம் 24-ந்தேதி மரணம் அடைந்தார்.

சாய்பாபாவுக்கு பக்தர்கள் கொடுத்த நகைகள் ஆசிர மத்தில் உள்ள யஜுர்வேத மந்திரம், பூர்ணசந்திரா ஆடிட்டோரியம், சாய்குப் வந்த் ஹால் ஆகிய கட்டிடங் களில் பாதுகாப்பாக வைக்கப்பட்டிருந்தன. சாய்பாபா மரணத்திற்கு பிறகு நகை வைத்திருந்த அறைகள் அனைத்தும் மூடப்பட்டன. அதைச் சுற்றி பலத்த பாதுகாப்பு போடப்பட்டன.

இந்நிலையில் நேற்று முன்தினம் முதல் அனந்த புரம் மாவட்ட கலெக்டர் துர்காதாஸ் முன்னிலையில் அனைத்து பீரோக்களும் திறக்கப்பட்டு நகைகளை மதிப்பீடு செய்யும் பணி நடந்தது. இப்பணி நேற்றுடன் முடிவடைந்தது.

இதுபற்றி கலெக்டர் துர்காதாஸ் நிருபர்களிடம் கூறியதாவது:-

சாய்பாபாவுக்கு பக்தர்கள் ஏராளமான தங்கம், வெள்ளி நகைகளை காணிக்கையாக வழங்கினார்கள். அவற்றை அவர் ஆசிரமத்தின் பல்வேறு பகுதிகளில் மிகவும் பாது காப்பாக வைத்திருந்தார். அவை அனைத்தையும் மதிப்பீடு செய்தோம். முதல் முறையாக ஜூன்16-ந்தேதி நடத்திய சோதனையில் ரூ.11.56 கோடி பணம், 98 கிலோ தங்க நகைகள், 307 கிலோ வெள்ளி நகைகள் எடுக்கப்பட்டன.

2-வது முறையாக ஜூலை 3-ந்தேதி சோதனை நடத்திய போது ரூ.76 லட்சம் தங்க- வெள்ளி நகைகள் இருந்தன. நேற்று முன்தினம் நடந்த சோதனையில் மேலும் பல நகைகள் சிக்கியது. இதுவரை ஆசிரமத்தில் கிடைத்த தங்கம், வெள்ளி, பணம் ஆகியவற்றின் மொத்த மதிப்பு ரூ.59 கோடி. இதை அனந்தபுரத்தில் உள்ள ஸ்டேட் பாங்க் ஆப் இந்தியாவில் டெபாசிட் செய்துள்ளோம்.

இவ்வாறு அவர் கூறினார்.

ho my god !