பாத ஹஸ்தாசனம்

மீனு · மீனு Tue Sep 15, 2009 11:56 pm

பாத ஹஸ்தாசனம்

பாத என்றால் கால் பாதம், ஹஸ்தம் என்றால் கை கால்களையும் கைகளையும் இணைத்த நிலையே இந்த ஆசனம். இந்த ஆசனமானது முன்னால் குனிந்து கை பாதங்களின் மீது கால் பாதங்களை வைத்து செய்வதால் பாத ஹஸ்தாசனம் எனப்படுகிறது. இந்த ஆசனம் நிலத்தில் அமர்ந்து செய்தால் "பஸ்சிமோத்தாசனம்' என அழைக்கப்படும். சிலருக்கு பல்சிமோத்தாசனம் செய்ய வராது. ஆனால் அவர்கள் பாதஹஸ்தீதாசனத்தை நன்கு செய்ய முடியும். ஏனென்றால் இந்த ஆசனப் பயிற்சியில் இடுப்பு முன்பக்கமாக நன்கு இலகுவாக வளையும். உட்கார்ந்த நிலையில் இடுப்பு வளைவதைவிட நின்ற நிலையில் சிலருக்கு இடுப்பு நன்கு வளையும்.

செய்முறை :

சமஸ்த்திதி நிலைக்கு வரவும். அதாவது கால் பாதங்கள் ஒன்றுடன் ஒன்று சேர்ந்து தோல்கள் நேராக நெஞ்சு விரிந்து முதுகும் கழுத்தும் ஒரே நேர்கோட்டில் இருக்கத்தக்கதாக நேராக நிமிர்ந்து நிற்கவும். இரண்டு கைகளையும் பக்கவாட்டாக தலைக்கு மேல் நேராக உயர்த்த வேண்டும். கை புஜங்கள் காதுடன் ஒட்டியே நீட்ட வேண்டும். பிறகு நீண்ட சுவாசம் ஒன்றை மேற்கொண்டு அதிக அளவில் மூச்சுக்காற்றை உள்ளிழுத்துக் கொள்ள வேண்டும்.

மூச்சை வெளியேற்றியபடி முன்புறம் வளையவும். வளையும் போது முன்னால் பார்த்த வண்ணம் வளையவும். கைப் புஜங்கள் காதுடன் சேர்ந்து முன்னால் நீட்டப்பட்டு இருக்க வேண்டும். முதுகெலும்பு பூமிக்கு இணையாக சமாந்தரமாக வந்ததும் சிறிது நேரம் நிறுத்தவும். கைகளையும் தோளையும் முன்னால் நீட்டி நன்றாக சுவாசத்தை உள்ளிழுக்கவும்.

இப்பொழுது மூச்சை மெல்ல விட்டுக் கொண்டே முன்பக்கமாக வளைந்து கொண்டே வந்து கை பாதங்களை கால் பாதங்களுக்கு பக்கவாட்டில் வைக்கவும். இப்போது உள்ளங்கைகளை கால் பாதங்களுக்கு கீழே கொண்டு சென்று கை பாதங்களின் மீது கால் பாதங்கள் இருக்கத்தக்கதாக நிற்கவும். முழங்கால்கள் மடியாதவாறு தலையை கீழே இறக்கி முகத்தை முழங்கால்களுக்கிடையில் கொண்டு வரவும். இந்த நிலைக்கு வர முழங்கைகளை பக்கவாட்டாக வெளிநோக்கி வளைக்க வேண்டும். இந்த நிலையில் மூச்சை உள் இழுத்து வெளிவிட்ட வண்ணம் 10 15 வினாடிகள் இருக்கவும். பிறகு தலையை முழங்காலிலிருந்து எடுத்து மேலே உயர்த்த வேண்டும். கைகளை காதுகளுக்கு ஒட்டினாற் போலவே வைத்துக் கொண்டு மூச்சை உள்ளுக்கிழுத்துக் கொண்டே மீண்டும் பழைய நிலைக்கு எழுந்து விடலாம்.நேராக நிமிர்ந்த பிறகு உடம்பை மேல் நோக்கி இழுக்கவும். பிறகு மூச்சுக்காற்றை வெளிவிட்டுக் கொண்டே கைகளை கீழே தொங்க விடவும். கால்களை சற்று விரித்து வைத்து சற்று நேரத்திற்கு கண்களை மூடி உடம்பில் ஏற்பட்ட மாற்றங்களை அவதானிக்கவும்.

பாத ஹஸ்தாசனம்

பாத ஹஸ்தாசனம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக