45 வருடங்களுக்கு பின்னர் மீள எஜமானிடம் சேர்ந்த ஆமை!

ரஞ்சித் · ரஞ்சித் Thu Jul 21, 2011 9:59 am

பிரித்தானியாவின் கார்டிப்பைச் சேர்ந்த ஒருவரது காணாமல் போன செல்லப்பிராணி 45 வருடங்களின் பின்னர் மீள அவரிடமே கிடைத்துள்ள சம்பவமொன்று இடம்பெற்றுள்ளது. கார்டிப் என்ற பிரதேசத்தில் கழிவகற்றும் தொழிலாளி ஒருவர் ஆமை ஒன்றை கண்டெடுத்துள்ளார். இந்த ஆமையின் உரிமையாளரை கண்டுபிடிக்கும் முயற்சி தோல்வியடைந்ததைத் தொடர்ந்து தானே அதனை வளர்த்து வந்துள்ளார்.

தற்போது 51 வயதாகும் பீட்டர் பிரவுண் என்பவரது ஆமையே 45 வருடங்களுக்கு முன்னர் காணாமல் போயுள்ளது. 6 வயதாக இருக்கும் போது பாடசாலையில் போட்டி ஒன்றில் வெற்றியீட்டியதற்கு பீட்டருக்கு இந்த ஆமை பரிசாக கிடைத்துள்ளது. கார்டிப்பின் ரிவ்பினாவில் அமைந்துள்ள தமது வீட்டுத் தோட்டத்தில் வைத்து குறித்த ஆமை காணாமல் போனதாக பீட்டர் பிரவுண் குறிப்பிட்டுள்ளார்.

45 வருடங்களுக்கு பின்னர் மீள எஜமானிடம் சேர்ந்த ஆமை! Tortie26qother1

45 வருடங்களுக்கு பின்னர் மீள எஜமானிடம் சேர்ந்த ஆமை! Tortie26qother1

இந்த ஆமையை கண்டெடுத்த குறித்த கழிவகற்றும் தொழிலாளி அதனது எஜமானாரிடமே ஒப்படைத்ததாகவும் தெரிவித்துள்ளார். இரண்டு மதில் கதவுகளைத் தாண்டி எவ்வாறு ஆமைக் குட்டி தப்பிச் சென்றது என்பது இன்னமும் புரியாத புதிராக தொடர்வதாக ஆமையின் உரிமையாளர் தெரிவித்துள்ளார். நாய்களை விடவும் ஆமைகளை செல்லப் பிராணிகளாக வளர்ப்பது சிறந்தது எனவும் அவை நமது ஆயுள் வரையில் நம்முடன் இருக்கும் எனவும் பீட்டர் குறிப்பிட்டுள்ளார்.