நீங்காத எண்ணம் ஒன்று நெஞ்சோடு உண்டு

by ranhasan Wed Jul 20, 2011 5:35 pm

நீங்காத எண்ணம் ஒன்று நெஞ்சோடு உண்டு - இது விடியும் வரை காத்திரு படத்தில் வரும் ஒரு பாடல்... அருமையான திரில்லர் படம்... பாக்கியராஜ் ஆண்டி ஹீரோவாய் பட்டையை கிளப்பி இருப்பார்... முதல் சீனிலேயே ஒரு புறாவுக்காக சண்டையிட்டு முடிவில் அசடு வழியும் காட்சி அனைவரையும் ரசிக்க வைக்கும்... படத்தை பார்க்காதவர்கள் கட்டாயம் பாருங்கள்...

சரி நாம் பதிவிற்கு வருவோம்...
இந்த வரியை கொண்டு உங்கள் வாழ்வில் நீங்காத ஒரு எண்ணத்தை ஒரு வார்த்தையிலோ அல்லது ஒரு வரியிலோ அல்லது ஒரு வாக்கியத்திலோ பகிருங்கள்...

என்னுடைய நீங்காத எண்ணம்...

நீங்காத எண்ணம் ஒன்று நெஞ்சோடு உண்டு - என் தங்கையின் பிரிவு...

by **rameshnaga** Wed Jul 20, 2011 6:08 pm

எனது இளைய தமக்கையின் பிரிவு .

by ranhasan Wed Jul 20, 2011 6:20 pm

rameshnaga wrote:எனது இளைய தமக்கையின் பிரிவு .

நம் இருவருக்கும் ஒரே எண்ணம்தானா!!!

by **rameshnaga** Wed Jul 20, 2011 6:26 pm

ஆமாம். 23-07-2010-இல் நாங்கள் அவளை இழந்தோம்.
இன்னும் மூன்று நாளில் அவளின் முதல் நினைவஞ்சலி .
அவளின் நினைவு மேலோங்கும் சமயத்தில்..
நீங்களும் இந்தப் பதிவைத் துவக்கினீர்கள்.
நானும் , அவள் பற்றிய நினைவை ஈகரையில் பதிவு செய்தேன்.

by ranhasan Wed Jul 20, 2011 6:30 pm

மிகவும் வருந்துகிறேன் தோழரே... தங்கை என்பவள் நமக்கு நாம் பெற்ற குழந்தை போல்தான்... அவளின் பிரிவிற்கு ஈடு எதுவுமே இல்லை... ஒவ்வொரு குழந்தையின் உருவிலும் நான் என் தங்கையை காண்கிறேன்... ஒவ்வொரு குழந்தையை கொஞ்சும் போதும் என் தங்கையாய் நினைத்தே கொஞ்சுகிறேன்... காலம் மட்டுமே நம் வலியை ஆற்றும்...

by **அருண்** Wed Jul 20, 2011 6:41 pm

என் நண்பர் ஒருவர் இறந்து ஒருவாரம் தான் ஆகிறது திருமணம் ஆகி 1 வயதில் பெண்குழந்தை உள்ளது..இது தான் நீங்காத எண்ணம் ஒன்று நெஞ்சோடு உண்டு..! சோகம்

by **அருண்** Wed Jul 20, 2011 6:43 pm

மிகவும் வருத்தமாக உள்ளது ரமேஷ் அண்ணா..! சோகம்

by **rameshnaga** Wed Jul 20, 2011 6:53 pm

காலம் ஆற்ற வேண்டிய காயங்கள் வருத்தங்களும்..பிரிவுகளும்.
காலம் நம் காயங்களை ஆற்றும் என்ற நம்பிக்கை எப்போதும்
உண்டு எனக்கு.
உங்களோடு என்னைப் பகிர்ந்து கொள்ளுகையில்..எனது மகிழ்ச்சிகள்
பன் மடங்காய் பெருகுவதையும், எனது துயரங்கள் பன் மடங்காய்
குறைவதையும் உணர்கிறேன்.
இந்த இரண்டு மாதங்களில் என் பெரும் பொழுதை ஈகரையில்
கழித்துள்ளேன்.
அதில், எனக்குக் கிடைத்த ஆறுதலும், மனமகிழ்வுகளும்..
இனி எங்கும் என்னால் ..ஒருபோதும் பெற இயலாதது.
என்னை எப்போதும் உற்சாகப் படுத்தும் என் ஈகரைத் தோழர்களுக்கு
என் மனமார்ந்த நன்றிகள்.
அன்புடன் ரமேஷ்.

by ranhasan Wed Jul 20, 2011 7:03 pm

rameshnaga wrote:காலம் ஆற்ற வேண்டிய காயங்கள் வருத்தங்களும்..பிரிவுகளும்.
காலம் நம் காயங்களை ஆற்றும் என்ற நம்பிக்கை எப்போதும்
உண்டு எனக்கு.
உங்களோடு என்னைப் பகிர்ந்து கொள்ளுகையில்..எனது மகிழ்ச்சிகள்
பன் மடங்காய் பெருகுவதையும், எனது துயரங்கள் பன் மடங்காய்
குறைவதையும் உணர்கிறேன்.
இந்த இரண்டு மாதங்களில் என் பெரும் பொழுதை ஈகரையில்
கழித்துள்ளேன்.
அதில், எனக்குக் கிடைத்த ஆறுதலும், மனமகிழ்வுகளும்..
இனி எங்கும் என்னால் ..ஒருபோதும் பெற இயலாதது.
என்னை எப்போதும் உற்சாகப் படுத்தும் என் ஈகரைத் தோழர்களுக்கு
என் மனமார்ந்த நன்றிகள்.
அன்புடன் ரமேஷ்.

உங்கள் எண்ணமே என் எண்ணமும்... நீங்கள் கூறியதை நான் ஒரு தனி பதிவாக போடலாம் என்றிருந்தேன்... ஈகரை என் சோகத்தை எவ்வளவோ குறைதிருக்கிறது... வெறுமையின் உச்சத்தில் இருந்த எனக்கு மிகப்பெரிய குடும்பமாய், குழுமமாய் எத்தனை உறவுகள் இங்கு... கசப்பை மறக்க சர்க்கரை உண்பது போல் இங்கே உள்ள அத்தனை உறவுகளும், அவர்களது இனிப்பான பேச்சுகளும், ஒரு சுமைதாங்கியாய் நம் சோகசுமைகளை தாங்கி நிற்கிறது...
ஈகரைக்கு நான்/நாம் என்றும் கடமைபட்டுள்ளோம்.