ரமேஷ்நாகா-வின் 1000-வது பதிவு.(கலை வேந்தன் சாருக்கானது)...

by **rameshnaga** Wed Jul 20, 2011 1:03 am

நேற்றைய சூரியனில் என்னோடு நடந்தவன்.
************************************

ரமேஷ்நாகா-வின் 1000-வது பதிவு.(கலை வேந்தன் சாருக்கானது)... Sneaker-shadows

நேற்றைய சூரியனில் என்னுடன் நடந்து வந்த
உனது நிழல் இன்று எரிகிறது..

குவியலாய்..வேறு சில நிழல்களுடன்.

நானும்..நீயும்
நடந்து வந்த பாதையின் பசுமை எரிந்து..
பாலையாகிவிட்டது நிலம்.

கண்கள் அறியாத இடத்தில்..
கண்ணன் வராத களத்தில்..
தீராத ஓலமாய்க் கேட்கிறது
நம் சகோதரிகளின் குரல்.

வெந்து தணியாத ..
சுதந்திரத்தின் நெருப்பு சுவாசம் வேண்டி..
நம்மை நிலை நிறுத்தத் துடிக்கிறது நம் இளமை
அகிம்ஸைக்கு எதிரான ஆயுதங்களுடன்.

இளமையின் ஆர்ப்பரிப்பில்
அடிபட்டு விழுகிறது அன்பு.

பின்னொரு நாளில்-
முதுமையில் என் இளமையைத் திரும்பிப் பார்க்கையில் ..

என் வருத்தங்களுக்காக நீ சிந்திய கண்ணீரை..
ஒரு அரைக் கோப்பையில் நீ பகிர்ந்த தேநீரை..
கிழிந்த உடை ஒற்றையாயினும்..
அதை நான் அணிய..
நீ ஒளிந்து பார்க்க நேர்ந்த உனது நிறைந்த அன்பை..

நான் மீட்டெடுத்துப் பார்ப்பேன்..
நீ விரும்பிய நம் சுதந்திர வானத்தில்..

by கலைவேந்தன் Wed Jul 20, 2011 7:22 am

என் வேண்டுகோளை முன்னிட்டு மிக அருமையான கவிதை ஒன்றை தமது ஆயிரமாவது பதிவாக படைத்திட்ட ரமேஷுக்கு என் உளமார்ந்த நன்றிகள்.

சுதந்திரத்துக்காக ஆதி காலம் தொட்டே மனிதன் போராடி வருகிறான். இன்றைய அறிவியலும் மனித நேயமும் வளர்ந்த சூழலிலும் கூட ம்னிதன் ஒரு புழுவாக எண்ணி மிதிக்கப்படும் நிலை இருப்பது வெட்கித்தலைகுனியும் ஒன்றுதான். அந்த அவல நிலையை மிக அருமையான வரிகளில் வடித்துவிட்ட அருமைக்கவிஞரை மனமாரப்பாராட்டுகிறேன்.

மேலும் பல கவிதைகள் ஈகரைக்கு வழங்கி சிறப்பிக்கும் படி வேண்டிக்கொள்கிறேன்..