ஊறுகாய்

by க அருண்குமார் Tue Jul 19, 2011 8:04 pm

காட்சி: திருவிழா தருணங்கள் (மறுபக்கம்)

மாசிமாதம் தேய்பிறைச்
சதுர்த்தசி திதியில்
மூப்புற்ற ஒலி பெருக்கி குழாயால்
சிதிலமான
எல்.ஆர் ஈஸ்வரியின் பாடலும்,
அடுத்து கிராமத் தலைமுறையின் படிப்பும்.

தண்ணீர்த் தெளித்து ‘துலுக்கிய’
கிடாக்கள் தலையறுத்து,
மூளை பொறியலுக்கும்
குடல் குருமாவுக்கும்
துறைப் பிரிக்கிறது கிராமம்.

கிராமத்தின் செரிமான
ஏப்பத்தில் வெளியேறும்
கிடா ஆத்மாக்கள்

வருணபகவான்
குவிமையில்லா கிராமத்தில்
பருவமழையின் கீழ்
பருவமங்கைகள்
“இரவு நேர டிஸ்கோ நடனக்குழு”

கிராமத்தின்
ஆரூடம் கணிக்கும்
சாராய சாமியார்
நாக்கு நம நமத்து
‘ஊறுகாய்’ தேடித் தேடி
களைப்பாக
கண்ணில்பட்டது என்னவோ
அரிவாளுடன் அவதானிக்கும்
காவல் தெய்வமும் அதன்
பரிவாரங்களும்!!!!