ஒளி திருடும் நக்ஷத்திரங்கள்...

**rameshnaga** · **rameshnaga** Tue Jul 19, 2011 8:55 am

நிலவின் ஒளி திருடிய ஒரு நக்ஷத்திரம்
மலைகளில் இறங்கி ..
பறவையின் கூட்டிற்குள் மினு மினுக்கிறது
ஒரு மின் மினியாய்.

மரத்தின் கனவுகளிலிருந்து ..
தன்னை விடுவித்துக் கொண்ட இலை ஒன்று..
சாலை கடக்கிறது காற்றின் உதவியோடு.

மீன்கள் அலைந்த ஒரு சிறு நதியை..
சூரியன் தின்றுவிட..பறவைகளின் கால் பற்றி..
வேறு இடம் தேடுகின்றன மீன்கள்
அசாத்திய நம்பிக்கையுடன்.

கனவுகள் தரும் நம்பிக்கையிலும்
நம்பிக்கைகள் கனவாகிவிடும் ..சோர்வுக்குமிடையே
அல்லாடி அடங்குகிறது
எதன் வாழ்க்கையும்.

செய்தாலி · செய்தாலி Tue Jul 19, 2011 10:50 am

சிறப்பான சிந்தனை எல்லா கவிதைகளும் மிகவும் அருமை கவிஞரே

**rameshnaga** · **rameshnaga** Tue Jul 19, 2011 11:32 am

ரொம்பவும் நன்றி! செய்தாலி.

**உமா** · **உமா** Tue Jul 19, 2011 12:39 pm

போங்க சார்....உங்கள் கவிதைகளில் ஏதேனும் குறை இருந்தால் சொல்லாலாம்....அனைத்துமே ஹார்ட் டச்சிங் ஆக உள்ளது...
எப்போதுமே அருமை, சூப்பர், நல்லா இருக்கு, அப்புறம் ஸ்மைலிஸ் இதை தானே போடுகிறோம்.....
வேறென்ன சொல்வது பாராட்ட...இந்த அன்பு மலரை எடுத்துக்கொளுங்கள் உங்கள் தங்கையிடமிருந்து.
அன்பு மலர்