கூகிள் + (பிளஸ்) தெரிந்ததும் தெரியாததும்

இந்த வார இணைய உலகின் முக்கியச் செய்தி - கூகுள் ப்ளஸ். சந்தடி இல்லாமல் இதை வெளியிட்டு இருக்கிறது கூகுள்.

தனது சமூக ஊடக முயற்சிகளை விட்டுவிடுவதாக இல்லை கூகுள். ஆனால், முன்போல பஸ், வேவ், ஆர்குட்போல, தனது முயற்சிகளை மீடியாவில் பிரபலப்படுத்தி வெளியிட்டு மூக்கு வெட்டு வாங்கிக்கொள்ளத் தயாராக இல்லை.மாறாக,தங்களது தளங்களுக்கு வருகை புரியும் பயனீட்டாளர்களிடம் சொல்லாமல் கொள்ளாமல் புதிய featureகளை வெளியிட்டு அதற்கு வரவேற்பு எப்படி இருக்கிறது என்பதை நன்றாகத் தெரிந்து கொண்டு அவற்றை தானாகப் பிரபலப்படுத்த முடிவு எடுத்ததாகத் தெரிகிறது. கூகுள் ப்ளஸ் என்னதான் செய்கிறது?

இன்னும் வெளிப்படையாக Launch செய்யப்படவில்லை என்றாலும், ப்ளஸ் தள உரலியை (https://plus.google.com) படித்தால்,அது என்ன செய்யப்போகும் என்பதை ஒருவாறாகப் புரிந்துகொள்ள முடிகிறது.ஃபேஸ்புக் 750 மில்லியன் பயனீட்டாளர்களைக் கொண்டு வெற்றி நடை போட்ட படிதான் இருக்கிறது. இழந்த நட்புகளைக் கண்டுபிடிக்கவும், இருக்கும் நட்பு வட்டத்துடன் அளவளாவவும் ஃபேஸ்புக் அட்டகாசமான தளம் என்பதில் சந்தேகம் இல்லை.தங்களது நீண்ட கால எதிர்காலத்துக்கு ஃபேஸ்புக் தடங்கலாக இருக்கும் என்பதை கூகுள் பலமாக நம்புவது, மீண்டும் ப்ளஸ் அறிவிப்பில் தெரியவருகிறது. ப்ளஸ் தளத்தில் இருக்கும் Circles என்பது ஃபேஸ்புக்கில் இல்லாத குறிப்பிட்ட சமூக வலைப்பயன்பாடுகளைக் கொண்டுள்ளதாகத் தெரிகிறது. உதாரணத்துக்கு, ஃபேஸ்புக்கின் நட்பு வட்டம் 'நண்பர்கள்’(Friends), 'நண்பர்களின் நண்பர்கள்’ (Friends of Friends), 'மற்றவர்கள்’ (Everyone) என்று வரையறுக்கப்பட்டுள்ளது.தகவல்களைப் பகிர்ந்து கொள்ளும்போது, பொதுவாக,மேற்கண்ட மூன்று குழுக்களுள் ஏதாவது ஒன்றைத் தேர்ந்தெடுப்பீர்கள்.இந்த அமைப்பில் தர்மசங்கடச் சிக்கல்கள் வரும் வாய்ப்புகள் உண்டு.உதாரணத்துக்கு,உங்கள் அலுவலக மேலதிகாரி உங்களது ஃபேஸ்புக் நட்பு வட்டத்தில் இணைந்து கொள்ள நட்பு விண்ணப்பம் அனுப்புகிறார் என்று வைத்துக்கொள்ளலாம். நீங்களும் அதை ஏற்றுக்கொள்கிறீர்கள்.வார இறுதி ஒன்றில் கல்லூரி நண்பர்களுடன் குற்றாலம் சென்று செய்த அட்டகாசங்களை புகைப் படங்களாக எடுக்கவும் செய்கிறீர்கள். இதை கல்லூரி நண்பர்கள் பார்க்கலாம். ஆனால், மேலாளர் பார்ப்பது அத்தனை நல்ல ஐடியா இல்லை. இந்தச் சூழலில், நீங்கள் புகைப்படங்களை ஃபேஸ்புக்கில் பதிவேற்றாமல் இருக்க வேண்டும் அல்லது மேலாளரை உங்கள் நட்பு வட்டத்தில் இருந்து வெளியேற்ற வேண்டும். கூகுளின் ப்ளஸ் இந்தப் பிரச்னையை இலகுவாகத் தீர்ப்பதாகத் தெரிகிறது!

Hangouts என்பதை இடம் சார்ந்த சேவை போலவும், Sparks என்பது டிவிட்டர் போலவும் தெரிகிறது. மொத்தத்தில், வெற்றிகரமான அனைத்து சமூக ஊடகத் தளங்களின் பயன்பாடுகளையும் உற்றுக் கவனித்து, அவற்றை ஒரே குடையின் கீழ் கொண்டுவரும் முயற்சியாகத் தெரிகிறது.

ப்ளஸ் பஸ் போல புஸ்ஸாகுமா?சில மாதங்கள் பொறுத்திருக்கலாமே!

விகடன் & kittipullu.blogspot.com

அறியத்தந்தமைக்கு நன்றி தள !!

அப்படின்னா கூகுள் பிளஸ் (+) ஆ இல்ல கூகுள் மைனஸானு (-) போக போக தெரியும்கிறிங்க

கூகிள் பிளஸின் சில கீபோர்ட் ஷார்ட் கட்கள்



நன்றி திரு. சசிகுமார் அவர்களுக்கு...

நான் பதிவிடும்போது send button or preview button click செய்யும்போது
"You haven't got the rights to access this page" என்ற செய்தி வருகிறது... நான் எனது பதிவை எல்லா பிரிவுகளின் கீழும் பதிந்து பார்த்துவிட்டேன், ஒரு பயனும் இல்லை...என்னால் பதிவிட முடியவில்லை இதன் காரணம் என்ன? தயவு செய்து உடனே உதவுங்கள்...

கூகிள் + அப்ப புஸ்வானம் ஆகிடுமா..!

சற்று நேரத்திற்க்கு முன் தான் கூகிள் பிளஸ்ஸில் இனைந்தேன் அனால் எப்படி பயன்படுத்து என்று தான் தெரியவில்லை...

பகிர்வுக்கு நன்றி சிவா