கணவனை ஏமாற்றி காதலனை மணந்த பட்டதாரி பெண் கைது

by ரஞ்சித் Tue Jul 19, 2011 11:15 am

கணவனை ஏமாற்றி காதலனை திருமணம் செய்த பட்டதாரி பெண் உட்பட 2 பேரை போலீசார் கைது செய்தனர். கடலூர் மாவட்டம் பண்ருட்டி அருகே கயப்பாக்கம் கிராமத்தை சேர்ந்தவர் ஆறுமுகம் மகன் கஜேந்திரன்(30). சென்னை அருகே மாதவரம் தாலுகா அலுவலகத்தில் டிரைவராக பணிபுரிகிறார். இவருக்கும், பண்ருட்டி சேமகோட்டை கிராமத்தை சேர்ந்த மண்ணாங்கட்டி மகள் மோகனா(23)வுக்கும் கடந்த பிப்ரவரி 2ம் தேதி திருமணம் நடந்தது. திருமணம் நடந்த நாளில் இருந்து கணவன், மனைவி இடையே கராறு இருந்ததாக கூறப்படுகிறது.

இந்நிலையில், மோகனா புதுச்சேரியில் உள்ள தனியார் கல்லூரியில் பிஎட் படித்து வந்ததால், திருமணம் ஆன பிறகும் படிப்பை தொடர போவதாக கூறினார். இதை தொடர்ந்து, தனது தாய் வீட்டில் தங்கி படித்து வந்தார். மோகனா கடந்த மாதம் 3ம் தேதி சிதம்பரம் அருகே தில்லைவிடங்கன் கிராமத்தை சேர்ந்த சிதம்பரம் அண்ணாமலை பல்கலைக்கழகத்தில் தற்காலிக ஊழியராக பணிபுரியும் ராமச்சந்திரன்(27) என்பவரை திடீரென திருமணம் செய்து கொண்டார்.

கடந்த சில வாரங்களுக்கு முன் மனைவியை பார்க்க மாமியார் வீட்டுக்கு கஜேந்திரன் வந்தார். ஆனால் மனைவி அங்கு இல்லை. பின்னர், மோகனாவுக்கு திருமணம் நடந்த சம்பவத்தை அறிந்த கஜேந்திரன், போலீசில் புகார் செய்தார். அதில், முறைப்படி திருமணம் செய்துகொண்ட மோகனா, என்னை ஏமாற்றிவிட்டு மற்றொருவரை திருமணம் செய்து கொண்டதற்கு நடவடிக்கை எடுக்க வேண்டும். மோகனாவுக்கு உடந்தையாக இருந்த மாமியார் அஞ்சம்மாள், அக்கா வனஜா(31), அண்ணன் ஞானகுரு, வனஜாவின் கணவர் அரசன் உள்ளிட்ட 5 பேர் மீது நடவடிக்கை எடுக்கவேண்டும், என கூறியிருந்தார்.

போலீசார் வழக்குப்பதிவு செய்து மோகனா, வனஜா ஆகியோரை நேற்றுமுன்தினம் கைது செய்தனர். மற்றவர்களை தேடி வருகின்றனர். விசாரணையில், மோகனா பிஎட் படிப்பதற்கு முன் சிதம்பரம் அண்ணாமலை பல்கலைக்கழகத்தில் பட்டபடிப்பு படிக்கும் போது ராமச்சந்திரனை காதலித்தார் என்பது தெரியவந்துள்ளது.

tamilcnn.com