1 முதல் 10 ஆம் வகுப்பு வரை சமச்சீர் கல்வி திட்டத்தை நடப்பாண்டில் செயல்படுத்த வேண்டும்: சென்னை ஐகோர்ட்

தமிழகத்தில் சமச்சீர் கல்வியை கடந்த தி.மு.க., அரசு அமல்படுத்தியது. இந்நிலையில், புதிதாக ஆட்சி அமைந்த அ.தி.மு.க., அரசு பாடத்திட்டங்கள் தரமானதாக இல்லை என்று கூறி, சமச்சீர் கல்வியை ஒத்தி வைத்தது.

இதை எதிர்த்து சென்னை உயர்நீதிமன்றத்தில் வழக்கு தொடரப்பட்டது. இந்த வழக்கை விசாரித்த உயர்நீதிமன்றம், சமச்சீர் கல்வித் திட்டம் தொடரும் என்று உத்தரவிட்டது.

இதை எதிர்த்து தமிழக அரசு உச்சநீதிமன்றத்தில் அப்பீல் செய்தது. இதை விசாரித்த உச்சநீதிமன்றம், 1, 6 வகுப்புகளுக்கு சமச்சீர் கல்வி திட்டம் தொடரலாம். மற்ற வகுப்புகளுக்கு என்ன செய்யலாம் என்பது குறித்து குழு அமைத்து பரிசீலிக்க வேண்டும். அந்த ஆய்வறிக்கை அடிப்படையில் உயர்நீதிமன்றம் தீர்ப்பளிக்க வேண்டும் என்றுஉத்தரவிட்டது.

அதன்படி குழு அமைத்து கல்வித்திட்டம் ஆராய்ப்பட்டது.அதன் அறிக்கை உயர்நீதிமன்றத்தில் தாக்கல் செய்யப்பட்டு அதன் மீது விசாரணையும் முடிவடைந்து விட்டது. இந்த நிலையில், இன்று பிற்பகல் 12.45 மணிக்கு தீர்ப்பு அளிக்கப்படும் என அறிவிக்கப்பட்டுள்ளது.



அதன்படி, சமச்சீர் கல்வி திட்டத்தை நடப்பாண்டில் செயல்படுத்த வேண்டும் என்றும், 22ஆம் தேதிக்குள் சமச்சீர் கல்வி திட்ட புத்தகங்களை வழங்க வேண்டும் என்றும், அனைத்து வகுப்புகளிலும் சமச்சீர் கல்வி பாடத்திட்டத்தை அமல்படுத்த வேண்டும் என்றும் சென்னை உயர்நீதிமன்றம் தீர்ப்பு வழங்கியுள்ளது. மேலும் பழைய பாடத்திட்டத்தை தொடர்ந்து செயல்படுத்த தடையும் விதித்தது
நன்றி நக்கீரன்

ராம்

நல்லவேளை !! இப்பவாச்சும் சொன்னார்களே

இன்னும் ஓரிரு நாளில் பசங்க படிக்க ஆரம்பிக்கும் ,இதுக்கு மேலையும் யாராவது அப்பீல் செய்தால் இந்த வருடம் முழுவதும் விடுமுறை விட வேண்டியதுதான்

ராம்

நீதி மன்ற தீர்ப்பு ஓகே.அமுல் படுத்த அம்மா ஓகேவா. நீதி மன்ற தீர்ப்பிக்கு தான் எந்த ஒரு மரியாதையும் இல்லையே. காவேரி பிரச்சனையில் உச்ச நீதி மன்றம் தீர்ப்பு வழங்கியும் கர்நாடக அரசு என்ன செய்தது, அப்போது முதலமைச்சராக இருந்தவர் இன்று மத்திய அமைச்சர். நல்ல முடிவு விரைவில் வந்தால் சரி.

என்னத்தச் சொல்லி ...
இதுக்கும் ஒரு தடையாணையை பெற்று மேல் கோர்ட்டுக்கு அப்பீல் செய்வார்கள். புள்ளைக படிப்பு அதோ கதி தான்...
பாக்கலாம் என்ன நடக்குதுன்னு ...

இது முடிவனாதாக இருக்க வேண்டும் பாவம் மாணவர்கள்

சென்னை: சமச்சீர் கல்வி வழக்கில் சென்னை ஐகோர்ட் வழங்கிய தீர்ப்பை எதிர்த்து சுப்ரீம் கோர்ட்டில் மேல்முறையீடு செய்யப்படும் என தமிழக அரசு தெரிவித்துள்ளது. இதையடுத்து, சமச்சீர் கல்வித்திட்டம் மீண்டும் இழுபறி நிலைக்கு தள்ளப்பட்டுள்ளது.

சமச்சீர் கல்வி வழக்கில் சென்னை ஐகோர்ட் வழங்கிய தீர்ப்பை எதிர்த்து சுப்ரீம் கோர்ட்டில் மேல்முறையீடு செய்யப்படும் என தமிழக அரசு தெரிவித்துள்ளது.

நான் சமச்சீர் கல்விக்கு எதிரானவன் அல்ல. வெறும் புத்த்கங்கள் கொடுத்துவிட்டால் போதுமா?. ஆசிரியார்களுக்கு பொதுமான பயிற்சி வேண்டாமா. அவர்கள் சொன்னது ஓராண்டுக்கு பிறகு கண்டிப்பாக கொண்டுவருவது.
இப்பவே அறிவியல் படத்தின் பிறகு வரும் கணக்குகளை நடத்துவதாக தெரியவில்லை. இதுதான் பொறியியல் பாடங்களின் அடிப்படையாகஉள்ளது. இத சொல்லிக்கொடுத்தாலே ஐ ஐ டி நுழைவு தேர்வை எளிமையாக வெற்றி பெறமுடியும்.
இப்ப பாட புத்தகத்தில் உள்ள பிழைகளை என்ன செய்வது?