குடும்பத்துக்கு எதிராக, ஸ்டாலினின் பகீர் வியூகம்!

muthu86 · muthu86 Mon Jul 18, 2011 3:01 pm

First topic message reminder :

தி.மு.க.வின் பொதுக்குழுக் கூட்டம் நடைபெறவுள்ள 23ம் தேதியை மிகவும் பரபரப்புடன்தான் எதிர்நோக்குகிறார் ஸ்டாலின். 23ம் தேதிக்கு முன்னர், தன்னால் மேக்ஸிமம் என்ன செய்ய முடியுமோ, அந்தளவுக்கு முயற்சிகள் செய்யத் துணிந்துவிட்டார் அவர் என்று சொல்கிறார்கள் அவருக்கு நெருக்கமானவர்கள்.

கட்சியைச் சூழ்ந்துள்ள சில திரைகளை அகற்றுவதே அவரது முயற்சியின் நோக்கம் என்கிறார்கள் அவரது ஆதரவாளர்கள். இவர்கள் குறிப்பிடும் திரைகள் வேறு யாருமல்ல, அவரது சொந்தக் குடும்பத்தினரேதான்.

இம்முறை நடைபெறவுள்ள தி.மு.க.வின் பொதுக்குழுக் கூட்டத்தில், வழமைக்கு மாறான சில விஷயங்கள் எழுப்பப்படுவதை காணலாம் என்கிறார்கள் ஸ்டாலின் ஆதரவாளர்கள். “குடும்ப ஆதிக்கத்தால்தான் தி.மு.க.வுக்கு இந்த நிலை வந்திருக்கின்றது” என்று சிலர் பேசப்போவதுதான் இதன் கிளைமாக்ஸ்!

இந்தப் பேச்சுக்களின் பின்னணியில், ஸ்டாலினே இருப்பார் என்றும் கூறுகிறார்கள்.

பொதுக்குழுக் கூட்டத்தில் தனக்கு நெருக்கமான கட்சி முக்கியஸ்தர்களில் சிலரை, ‘குடும்ப ஆதிக்கம்’ டாபிக்கைக் கிளப்புமாறு ஸ்டாலினே ஏற்பாடு செய்கிறார் என்பதுதான் தற்போது தி.மு.க. உள்வட்டங்களில் கிசுகிசுக்கப்படும் பேச்சு.

“இவரும் அதே குடும்பம்தானே? இவரைத் தலைவராக்கும் திட்டம் குடும்ப ஆதிக்கம் கிடையாதா?” என்று நாம் விசாரித்தபோது, “கட்சியில் நீண்ட காலமாக தனது நேரடி ஈடுபாடு, கலைஞரின் மகன் என்பதைவிட அதிக வேல்யூ உடையதாக கருதுகிறார் ஸ்டாலின்” என்றார் முக்கிய தி.மு.க. பிரமுகர் ஒருவர்.

கனிமொழி, அழகிரி, மாறன்கள் ஆகியோருக்கு எதிராக ஸ்டாலின் வகுக்கும் இந்த வியூகம் கட்சித் தலைமைக்கும் தெரியுமாம். ஸ்டாலினை வேறு ஒரு விதமாக ஆஃப் பண்ணும் முயற்சிகள் நடைபெறுகின்றனவாம். 23ம் தேதிவரை இந்த இழுபறிகள் எல்லாமே இருக்கத்தான் போகின்றன.

ஆளும் கட்சியாக இல்லை. அட, பிரதான எதிர்க் கட்சியாகக்கூட இல்லை. ஆனால் கட்சிக்குள் ஏகத்துக்கு இழுபறிகள் வைத்திருக்கிறார்களே!

நெக்ஸ்ட் கலைஞற்கு ரெஸ்ட்