இது எனக்கு மட்டுமேயான கவிதை..

**rameshnaga** · **rameshnaga** Mon Jul 18, 2011 1:12 pm

இந்தக் கவிதை உங்களுக்கானதுதான்.

ஆனால் நான்-
எழுதத் துவங்கிய உடன் நீங்கள் வெளியேறி விடுகிறீர்கள்
கவிதையை விட்டு.

நீங்கள்-எப்பொழுதும் வெளிநடப்பு செய்யும்
சட்டப் பேரவையின் பிரதிநிதியாய் மாறிவிட..
கவிதை-வீட்டிற்குள் அனுமதிக்கத் தகாத ..
பிச்சைக்காரனைப் போல் பார்க்கிறது உங்களை.

இருவரின் பின்னாலும் அலையும் என் கண்கள்
தன் பார்வையில் பத்திரப்படுத்த நினைக்கிறது..
எனக்கான சிம்மாசனத்தை.

என் பேனா உதறிய எழுத்துக்கள்..
தாளின் விளிம்பில் தடுமாறி..
பின் படிப்பவன் கண்களில் நெளிகிறது வேதனையில்..

பனிக்குடத்திலிருந்து வெளியேற அல்லலுறும்
ஒரு குழந்தையைப் போல.

**உமா** · **உமா** Mon Jul 18, 2011 1:15 pm

வித்யாசமான சிந்தனை ....
சூப்பருங்க

.

**rameshnaga** · **rameshnaga** Mon Jul 18, 2011 1:17 pm

நன்றி ! உமா.

**உமா** · **உமா** Mon Jul 18, 2011 1:18 pm

rameshnaga wrote:நன்றி ! உமா.

கவிதை-வீட்டிற்குள் அனுமதிக்கத் தகாத ..
பிச்சைக்காரனைப் போல் பார்க்கிறது உங்களை.

ஈகரையில் அது நிச்சயமில்லை...
என்றுமே அனைத்து கவிகளும், கவிதைகளும்
எங்களுக்கு சொந்தம்....
சூப்பருங்க

kitcha · kitcha Mon Jul 18, 2011 1:22 pm

ஈகரையில் அது நிச்சயமில்லை...
என்றுமே அனைத்து கவிகளும், கவிதைகளும்
எங்களுக்கு சொந்தம்...

செய்தாலி · செய்தாலி Mon Jul 18, 2011 1:39 pm

வித்தியாசமான சிந்தனை கவிதையின் தலைப்பில் மட்டுமல்ல
எழுத்து கோர்வையிலும் வரிகளின் பொருளிலும்

அருமை பாராட்டுக்கள் வாழ்த்துக்கள் கவிஞரே

நியாஸ் அஷ்ரஃப் · 15/06/2010

சிறந்த சிந்தனையுடன் அழகிய கவிதை..
வாழ்த்துக்கள்.. !!

**rameshnaga** · **rameshnaga** Mon Jul 18, 2011 2:15 pm

நன்றி!உமா.
நன்றி!கிட்சா.
நன்றி!செய்தாலி.
நன்றி! நியாஸ் அஷ்ரஃப்.

ரேவதி · ரேவதி Mon Jul 18, 2011 2:17 pm

அருமை அருமை ......

அப்துல்லாஹ் · அப்துல்லாஹ் Mon Jul 18, 2011 2:18 pm

உங்களின் அருமையான வரிகளால் பின்னப் படும் கவிதைகள் எப்போதும் எங்களின் இதய சிம்மாசனத்தில் ஏறி சிங்கமாய் வீற்றிருக்கிறது...
நன்றி நாகா...
நல்ல கவிதைக்கும் உங்களின் அன்பான உள்ளத்திற்கும்.