மும்பையில் பத்து ஆண்டுகளில் 13 தாக்குதல்: 501 பேர் பலி

**இளமாறன்** · **இளமாறன்** Mon Jul 18, 2011 3:58 pm

மும்பை : மும்பையில் கடந்த 10 ஆண்டுகளில் நடந்த 13 பயங்கரவாத
தாக்குதல்களில், 501 பேர் கொல்லப்பட்டுள்ளனர். மும்பையில் 2002, டிசம்பர்
2ல் நடந்த காட்கோபார் வெடிகுண்டு தாக்குதல் முதல், கடந்த 13ம் தேதி நடந்த
மூன்று தொடர் வெடிகுண்டு சம்பவங்கள் வரை 13 பயங்கரவாத தாக்குதல் சம்பவங்கள்
நடந்துள்ளன. இந்த சம்பவங்களில் 501 பேர் பலியாகியுள்ளனர்; 2,200 பேர்
காயமடைந்துள்ளனர். காட்கோபார் குண்டு வெடிப்பு சம்பவம் தொடர்பாக கைது
செய்யப்பட்ட எட்டு பேர் மீது, பொடா வழக்கு பதிவு செய்யப்பட்டது. ஆனால்,
இவர்கள் மீது தகுந்த ஆதாரம் இல்லாத காரணத்தால், 2005ல் வழக்கிலிருந்து
விடுவிக்கப்பட்டனர். மும்பை சென்ட்ரலில் 2002, டிசம்பர் 2ல் நடந்த குண்டு
வெடிப்பு சம்பவம் தொடர்பாக 19 பேர் கைது செய்யப்பட்டனர்.
கடந்த 2003,
ஜனவரி 27ல் வில்லி பார்லி மற்றும் 2003, மார்ச் 13ல் முலந்தில் நடந்த
குண்டு வெடிப்பு சம்பவத்துக்கும், மும்பை சென்ட்ரலில் நடந்த
சம்பவத்துக்கும் தொடர்புள்ளது என கூறப்பட்டது.
கடந்த 2003, ஜூலை 29ல்
காட்கோபாரில் நடந்த குண்டு வெடிப்பு சம்பவத்தையும், அதே ஆண்டு ஆகஸ்ட் 25ல்
ஜவேரி பஜார், கேட் வே ஆப் இந்தியா ஆகிய இடங்களில் நடந்த மூன்று குண்டு
வெடிப்பு சம்பவங்களையும் சி.பி.ஐ., சேர்த்து விசாரணை நடத்தியது.
கடந்த
2006, ஜூலை 11ல் ரயிலில் வைக்கப்பட்டிருந்த குண்டுகள் வெடித்ததில் 187 பேர்
பலியாகினர்; ஆயிரத்துக்கும் அதிகமானவர்கள் காயமடைந்தனர். இந்த சம்பவம்
தொடர்பான வழக்கு இன்னும் கோர்ட்டில் நடந்து கொண்டிருக்கிறது.
மாலேகானில்
2006 மற்றும் 2008ல் நடந்த குண்டு வெடிப்பு சம்பவங்களில் தொடர்புடைய 13
பேர் கைது செய்யப்பட்டனர். ஆனால், இந்த சம்பவம் தொடர்பான வழக்கு விசாரணை
இன்னும் முழுமையடையவில்லை
தினமலர்

ரேவதி · ரேவதி Mon Jul 18, 2011 3:59 pm

kitcha · kitcha Mon Jul 18, 2011 4:38 pm

2006 மற்றும் 2008ல் நடந்த குண்டு வெடிப்பு சம்பவங்களில் தொடர்புடைய 13
பேர் கைது செய்யப்பட்டனர். ஆனால், இந்த சம்பவம் தொடர்பான வழக்கு விசாரணை
இன்னும் முழுமையடையவில்லை

இது தான் இந்திய அரசியல்.வெட்கப் படவேண்டிய விஷயம்