மனத்தூறல்களில் விளைந்த மண்வாசனைகள்

by கஜேந்தினி Mon Jul 18, 2011 12:37 pm

துருவ மலரொன்றின் வாசனை நாசித்துவாரங்கள் வழியே பயணித்து
பனிக்காற்றில் உறைந்த என் உயிர்ப்பூவை எழுப்பிய போதும்
பனிப்பறவை துப்பிய நீர்த்துளி ஒன்று
ஊசியிலை மரமொன்றின் முனைகளிலிருந்து வழிந்து
என் உடலில் மோதிச்சிதறிய போதும்
சிதறிய துளிகளிலிருந்து விடுதலை பெற்று
குளிர்ச் சிலந்தி என்னுடலெங்கும் பரவிய போதும்
மனக்கூட்டின் ஆழத்தில் தேங்கியிருந்தபடி சலசலக்கிறது
என் தாய்மண் தந்த கதகதப்பின் ஞாபகத்துளிகள்...

மெல்ல மெல்ல இல்லாது போகும்
பகலொன்றின் பின்னாலிருந்து வரும்
இரவின் விழுதுகளைப் பற்றிக்கொண்டு
மன நிலத்தின் பெரு வெளியெங்கும்
இறங்கிப்பரவுகிறது உன் பிரிவுத்துயர்
பகல் விட்டுச்சென்ற வெற்றிடத்தை நிரப்புவதற்க்காய்
உன் புன்னகைத்துளிகள் நிரம்பிய முத்தம்களைக்
காவி வருகிறது என் நினைவுக்குதிரை
மண்ணிண் நினைவுகளை மீட்டியபடி
ஒழுகிய மழைத்துளி ஒன்றின் சிதறலில் இருந்து
மெல்ல ஒலிக்கிறது பெரு நகரத்தின் நீள் மெளனம்
என்றோ ஒரு நாள் இறந்துபோன வண்ணாத்துப்பூச்சி ஒன்றின்
உடைந்துபோன சிறகொன்றிலேறிப்பறக்கிறது
தாய் நிலம் நோக்கிய என் கனவுகள்.....

by kitcha Mon Jul 18, 2011 12:45 pm

நன்றாக இருந்தது.நம் இன மக்கள் அங்கு சந்தோசமாக இருக்கும் பொன் நாள் எந்நாளோ, வெகு விரைவில் வந்திட இறைவனை வேண்டுகிறேன்

by கஜேந்தினி Mon Jul 18, 2011 1:02 pm

kitcha wrote:நன்றாக இருந்தது.நம் இன மக்கள் அங்கு சந்தோசமாக இருக்கும் பொன் நாள் எந்நாளோ, வெகு விரைவில் வந்திட இறைவனை வேண்டுகிறேன்

நன்றிகள்

by SK Mon Jul 18, 2011 2:36 pm

கவிதை மிகவும் அருமை தோழி

by நியாஸ் அஷ்ரஃப் Mon Jul 18, 2011 2:53 pm

வார்த்தைகளே இல்லை இந்தக் கவிதையை பாராட்ட.. வார்த்தயமைப்பு முதல் சிந்தனை வரை அத்தனையும் அருமை.. ஒவ்வொரு வார்த்தைகளிலும் தாய்மண் பிரிவின் துயர் பற்றிய உணர்வுகள் கசிகிறது..
மிக மிக அருமை.. பகிர்வுக்கு மிக்க நன்றிகள் தோழி..

by அப்துல்லாஹ் Mon Jul 18, 2011 3:09 pm

கஜேந்தினி wrote:
என்றோ ஒரு நாள் இறந்துபோன வண்ணாத்துப்பூச்சி ஒன்றின்
உடைந்துபோன சிறகொன்றிலேறிப்பறக்கிறது
தாய் நிலம் நோக்கிய என் கனவுகள்.....[/color]

வாசித்த பின் இதயத்தில் கசிந்த ரத்ததுளிகள்...
சந்தர்ப்பம் எனும் சம்மட்டியால் சதிகாரர்களால் சாகடிக்கப் பட்ட இனம் சாகா வரம் பெற்று சஞ்சீவியாய் தன் தாய் மண்ணில் வேருடன் கிளை விட்டு பரவும் அதன் வாசம் இங்கு எங்கள் பாரதம் வரை விரியும்...
அன்புடன் அப்துல்லாஹ்