அமெரிக்க வெளியுறவுத்துறை மந்திரி ஹிலாரி கிளிண்டன் இன்று டெல்லி வருகிறார்

**சிவா** · **சிவா** Mon Jul 18, 2011 7:04 am

இந்தியா- அமெரிக்கா இடையே பல்வேறு வளர்ச்சி திட்டங்கள் மற்றும் உலக பிரச்சினைகள் பற்றி 2-வது கட்ட பேச்சு நடத்த, அமெரிக்க அரசு முடிவு செய்து இருக்கிறது.

இதற்காக அந்த நாட்டின் வெளியுறவுத்துறையின் மந்திரி ஹிலாரி கிளிண்டனை, அமெரிக்க அரசு இந்தியாவுக்கு அனுப்புகிறது.

இந்த பேச்சுவார்த்தையை மேற்கொள்ள ஹிலாரி கிளிண்டன் இன்று விமானம் மூலம் டெல்லிக்கு வந்து சேருகிறார். அவருடன் 25 பேர் கொண்ட அதிகாரிகள் குழுவினரும் வருகிறார்கள். 19-ந் தேதி காலை டெல்லியில், இந்திய வெளியுறவுத்துறை மந்திரி எஸ்.எம்.கிருஷ்ணாவுடன் ஹிலாரி கிளிண்டன் பேச்சு நடத்துகிறார்.

இந்த பேச்சுவார்த்தையில் திட்ட கமிஷனின் துணைத்தலைவர் மான்டெக்சிங் அலுவாலியா, வெளிநாட்டு செயலாளர் நிரூபமா ராவ் மற்றும் உயர் அதிகாரிகள் கலந்துகொள்கிறார்கள். தீவிரவாதத்தை எதிர்த்து போராடுதல், மும்பையில் நடந்த குண்டு வெடிப்பு, ராணுவ தகவல்களை பரிமாற்றம் செய்தல், கல்வி மற்றும் வர்த்தகம், பாகிஸ்தான்-ஆப்கானிஸ்தானில் நீடிக்கும் தீவிரவாதம் பற்றி பேச்சு நடத்தப்படுகிறது.

பிரதமர் மன்மோகன்சிங், காங்கிரஸ் தலைவர் சோனியா காந்தி, தேசிய பாதுகாப்பு ஆலோசகர் சிவ சங்கர் மேனன், பாராளுமன்ற எதிர்க்கட்சி தலைவர் சுஷ்மா சுவராஜ் ஆகியோரையும் ஹிலாரி கிளிண்டன் சந்தித்து பேசுகிறார்.

டெல்லி பேச்சை முடித்துக்கொண்டு ஹிலாரி கிளிண்டன் 20-ந் தேதி சென்னை வருகிறார். சென்னையில் அவர் சில நிகழ்ச்சிகளை முடித்துக்கொண்டு, 21-ந் தேதி அமெரிக்கா புறப்பட்டு செல்கிறார்.

அமெரிக்க வெளியுறவுத்துறை மந்திரி ஹிலாரி கிளிண்டன் இன்று டெல்லி வருகிறார்

அமெரிக்க வெளியுறவுத்துறை மந்திரி ஹிலாரி கிளிண்டன் இன்று டெல்லி வருகிறார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக