இந்தியா - இலங்கை கப்பல் போக்குவரத்தால் அகதிகள் தாயகம் திரும்புவது அதிகரிப்பு

by **இளமாறன்** Sun Jul 17, 2011 2:20 am

கொழும்பு : "இந்தியா - இலங்கை இடையே துவங்கப்பட்டுள்ள புதிய கப்பல்
போக்குவரத்தால், இந்தியாவிலிருந்து இலங்கைக்கு திரும்பும் தமிழ் அகதிகளின்
எண்ணிக்கை அதிகரித்துள்ளது' என, ஐ.நா., சார்பில் தெரிவிக்கப்பட்டுள்ளது.
ஐ.நா.,
அகதிகள் ஆணையரகத்தின், இலங்கை பிரதிநிதி மைக்கேல் ஜ்வாக் கூறியதாவது:
இந்தியாவின் தூத்துக்குடியில் இருந்து, இலங்கை தலைநகர் கொழும்புக்கு,
சமீபத்தில் கப்பல் போக்குவரத்து துவங்கப்பட்டது. இரு நாடுகளுக்கும் இடையே,
சுற்றுலா மற்றும் வர்த்தக நடவடிக்கைகளை அதிகரிக்கும் நோக்கத்துடன், இந்த
கப்பல் போக்குவரத்து துவக்கப்பட்டது. இந்த புதிய போக்குவரத்து மூலம்,
இந்தியாவிலிருந்து, தாயகத்துக்கு திரும்பும், இலங்கை தமிழ் அகதிகளின்
எண்ணிக்கை, கணிசமாக அதிகரித்துள்ளது. ஒட்டு மொத்தமாக, உலகின் பல்வேறு
நாடுகளிலும், 1.41 லட்சம் இலங்கைத் தமிழர்கள், அகதிகளாக தங்கியுள்ளனர்.
இவர்களில் பெரும்பாலானோர், தமிழகத்தில் உள்ள முகாம்களில் உள்ளனர்.
இவர்களில் 2,800க்கும் மேற்பட்டோர், இலங்கைக்கு திரும்ப விருப்பம்
தெரிவித்துள்ளனர்.

தினமலர்

by சரவணன் Sun Jul 17, 2011 12:56 pm

நல்ல செய்தி. இப்படியே அங்கு அமைதி நிலவி அனைத்து தரப்பினரும் ஒற்றுமையுடனும் நிம்மதியுடனும் வாழ இறைவன் அருள் தேவை.

இந்தியா - இலங்கை கப்பல் போக்குவரத்தால் அகதிகள் தாயகம் திரும்புவது அதிகரிப்பு

இந்தியா - இலங்கை கப்பல் போக்குவரத்தால் அகதிகள் தாயகம் திரும்புவது அதிகரிப்பு

Re: இந்தியா - இலங்கை கப்பல் போக்குவரத்தால் அகதிகள் தாயகம் திரும்புவது அதிகரிப்பு