வட இந்திய சமையல்கள் - பாலக் பனீர்!

by **krishnaamma** Sat Jul 16, 2011 1:24 pm

First topic message reminder :

முதலில் பானி பூரி

பூரி செய்ய தேவயானவை :

1 கப் மைதா
1/4 கப் உளுந்துமாவு
1 கப் மெல்லிய ரவை
தேவையான உப்பு
கொஞ்சம் வெது வெதுப்பான தண்ணீர்

மேற்சொன்ன மாவுகளை உப்புச் சேர்ந்துக் கலந்து நீர் விட்டுப் பிசைந்து வைத்துக்கொள்ளவும். இந்த பூரிகளைச் சிறு உருண்டைகளாக உருட்டி உடனடியாகப் பொரிக்கவும். இவை நன்கு உப்ப வேண்டும். ஆகவே முள்கரண்டியால் குத்த வேண்டாம். இதை ஒரு நாள் முன்னதாய்ச் செய்து வைத்துக்கொள்ளலாம்.

அடுத்துப் பானி என்னும் சட்னி நீர் தயாரிக்கும் விதம். ஹிந்தியில் பானி என்றால் தண்ணீர் என்ற பொருள் என அனைவரும் அறிவோம். இங்கே பானி என்பது சட்னியை நீர்க்க்க் கரைப்பதைக் குறிக்கும்.

ஒரு கட்டு புதினா இலைகள்
ஒரு கட்டு கொத்துமல்லி இலைகள்
ஒரு டீஸ்பூன் மிளகு
ஒரு டேபிள் ஸ்பூன் கருப்பு உப்பு (இது இல்லாவிட்ட்லும் பரவாயில்லை )
ஒரு டேபிள் ஸ்பூன் சாதாரண உப்பு
2 டீஸ்பூன் ஜீரகம்
4 டீஸ்பூன் காய்ந்த ஆம்சூர் தூள்(மாங்காயைக் காய வைத்துச் செய்த பொடி, ஆம்சூர் என்ற பெயரிலே எல்லாக் கடைகளிலும் கிடைக்கும்.)
இஞ்சி ஒரு துண்டு.
2 டீஸ்பூன் வறுத்த ஜீரகப் பொடி

மேற்சொன்ன பொருட்களை நன்கு சுத்தம் செய்து ஒன்றாய்ப் போட்டு சட்னி பத்த்தில் நல்ல நைசாகவே அரைக்கவும். அரைத்த்தைச் சற்று நேரம் வைக்கவும்.
பிறகு நீரில் கரைத்து வைக்கவும்.

பூரிக்குள் வைக்கும் மசாலா :

பச்சைப் பயறு அல்லது கொண்டைக்கடலையை அல்லது பச்சை பட்டாணி உப்புப் போட்டு வேக வைத்துக்கொள்ளவேண்டும். உருளைக்கிழங்கை வேக வைத்துப் பொடியாக நறுக்கிக் கொள்ளவும். தேவையானால் கொஞ்சம் உப்புப் போட்டுக் கலக்கலாம், பயறு வகையைச் சுண்டல் போல் செய்தாலும் நன்றாக இருக்கும்.

பானி பூரி யை பரிமாறுவது எப்படி ?

இப்போது பொரித்த பூரிகளை எடுக்கவும். ஒரு பூரியின் நடுவே கைக்கட்டை விரலால் ஒரு ஓட்டை போடவும். அந்த ஓட்டைக்குள்ளாக வேக வைத்த ப்யறு, உருளைக்கிழங்கை வைக்கவும். இப்போது அரைத்து வைத்த சட்னியை நீர் விட்டுக் கரைத்துக்கொண்டு அந்த நீரைக் கொஞ்சம் அதில் விடவும். உடனே வாயில் போட்டுக்கொண்டு சாப்பிட வேண்டும். இதில் முக்கியமாய்க் கவனிக்க வேண்டியது பூரி வாய் கொள்ளுமளவுக்குச் சின்னதாய் இருக்க வேண்டும் என்பதே. பூரியின் கரகரப்பு சட்னி நீரில் ஊறிப் போகும் முன்னர் சாப்பிட வேண்டும். பூரியின் கரகரப்பு, சட்னியின் காரம், அதோடு பயறு, உளுந்து இவற்றின் வெந்த தன்மை எல்லாம் சேர்ந்து சுவை நன்றாக இருக்கும்.

by **krishnaamma** Sat Jul 16, 2011 3:37 pm

உமா wrote:
ரஞ்சித் wrote:

இப்பவே செய்து சாப்பிடனும் போல இருக்கு நன்றி மா

எவ்வ்லோ பெரிய நாக்கூ....

ஆமாம், அவருக்கு ரொம்ப பிடிச்சிபோச்சு அந்த ரேசிபி ஜாலி

by **krishnaamma** Sat Jul 16, 2011 3:38 pm

உமா wrote:அருமை வகைகள்....

நன்றி உமா

by **krishnaamma** Tue Jul 19, 2011 2:38 pm

பாலக் பக்கோடா

தேவையானவை:

பாலக்கீரை - ஒரு கட்டு
கடலை மாவு - அரை கப்
அரிசி மாவு-கால் கப்
இஞ்சி, பூண்டு, சோம்பு-அரைத்த விழுது ஒரு டேபிள் ஸ்பூன்
உப்பு
எண்ணெய் - பொரிக்க

செய்முறை:

கீரையை ஆய்ந்து தண்ணீரில் அலசி பொடியாக நறுக்கவும்.
அதனுடன் கடலை மாவு, அரிசி மாவு, உப்பு, இஞ்சி, பூண்டு, சோம்பு விழுது சேர்த்து பிசையவும்
பிறகு கொஞ்சம் தண்ணீர் விட்டு பக்கோடாவுக்கு தேவையான பதத்தில் பிசைந்து கொள்ளவும்.
வாணலி இல் எண்ணெய் விட்டு பக்கோடாக்களாக போட்டு பொரித்தெடுக்கவும்.
சுவையான பாலக் பக்கோடா தயார்.
ரொம்ப நல்லா இருக்கும்.

by ரேவதி Tue Jul 19, 2011 2:40 pm

எங்களுக்கும் இது போன்று சமைத்து அனுப்புங்கள் அம்மா

by **krishnaamma** Tue Jul 19, 2011 2:47 pm

ரேவதி wrote:எங்களுக்கும் இது போன்று சமைத்து அனுப்புங்கள் அம்மா

நீங்க எல்லோரும் சமைப்பதர்க்காக தான் இங்கு போடுகிறேன் கண்ணம்மா புன்னகை

by **ஸ்ரீஜா** Tue Jul 19, 2011 4:48 pm

ரொம்ப அருமையான சமையல் குறிப்புகள் கொடுத்த அம்மாவிர்க்கு முத்தம்

by **krishnaamma** Tue Jul 19, 2011 5:31 pm

ஸ்ரீஜா wrote:ரொம்ப அருமையான சமையல் குறிப்புகள் கொடுத்த அம்மாவிர்க்கு

நன்றி டியர் புன்னகை

எதையாவது சமைத்து பார்த்து பின் எழுதினால் ரொம்ப சந்தோசப்படுவேன் புன்னகை

by ரபீக் Tue Jul 19, 2011 5:34 pm

சமையல் மகாராணிக்கு நன்றிகள் பல !!

by **krishnaamma** Tue Jul 19, 2011 7:09 pm

ரபீக் wrote:சமையல் மகாராணிக்கு நன்றிகள் பல !!

பட்டம் பெருசாக இருக்கு புன்னகை

நன்றி நண்பரே புன்னகை

by **krishnaamma** Sat Aug 27, 2011 2:46 pm

பாலக் பகோடா 2

தேவையானவை:

பாலக்கீரை - ஒரு கட்டு
கடலை மாவு - 3/4 கப்
அரிசி மாவு- 1/4 கப்
மிளகாய் பொடி 1/2 ஸ்பூன்
சோடா உப்பு 1 சிட்டிகை
உப்பு
எண்ணெய் - பொரிக்க

செய்முறை:

கீரையை ஆய்ந்து தண்ணீரில் அலசி , ஒரு 1 நிமிடம் வெந்நீரில் போட்டு எடுக்கவும்
கடலை மாவு, அரிசி மாவு, உப்பு, மிளகாய் பொடி, சோடா உப்பு சேர்த்து கலக்கவும்
பிறகு கொஞ்சம் தண்ணீர் விட்டு பஜ்ஜி மாவு பதத்தில் கரைத்துக்கொள்ளவும் கொள்ளவும்.
வாணலி இல் எண்ணெய் விட்டு பஜ்ஜி மாவில், பாலக் இலைகளை முக்கி,எண்ணை இல் போட்டு பொரித்தெடுக்கவும்.
ரொம்ப நல்லா இருக்கும்.

குறிப்பு: பாலக் இலைகளை வெந்நீரில் போடாமலும் செயலாம்