அமெரிக்க அதிபர் ஒபாமாவுடன் விருந்து சாப்பிட ரூ.16 லட்சம் கட்டணம் நிர்ணயம்

ரஞ்சித் · ரஞ்சித் Sat 16 Jul 2011 - 16:14

அமெரிக்க அதிபர் ஒபாமாவின் 50-வது பிறந்தநாள் வருகிற ஆகஸ்ட் 3-ந்தேதி கொண்டாடப்படுகிறது. இந்த விழாவில் தனது சொந்த ஊரான சிகாகோ நகரில் அவர் கொண்டாடுகிறார். இந்த விழாவில் முக்கிய பிரமுகர்கள் கலந்து கொள்கின்றனர். அதில் பங்கேற்க கட்டணத்தை அவர் நிர்ணயம் செய்துள்ளார்.

பிறந்தநாள் விழா மற்றும் விருந்து நிகழ்ச்சிகளில் பங்கேற்கும் ஒரு தம்பதி ரூ.16 லட்சம் செலுத்த வேண்டும். அப்போது தான் அவர் ஒபாமாவுடன் விழாவில் பங்கேற்க முடியும். விருந்தினர்கள் செலுத்தும் பணத்தில் ரூ.2500 நுழைவு கட்டணமாகவும், ரூ.4500 மது மற்றும் விருந்து நிகழ்ச்சிக்கும் ரூ.45 ஆயிரம் ஒபாமாவுடன் சேர்ந்து போட்டோ எடுத்து கொள்வதற்கு என்றும் மற்றும் அதுபோன்று பல நிகழ்ச்சிகளுக்கு என தனித்தனியாக அறிவிக்கப்பட்டுள்ளது.

இந்த தகவலை அமெரிக்காவில் இருந்து வெளி வரும் பத்திரிகைகளில் பிரசுரிக்கப்பட்டுள்ளது. அடுத்த ஆண்டு டிசம்பரில் அமெரிக்க அதிபர் தேர்தல் நடைபெற உள்ளது. அதில், ஒபாமா மீண்டும் போட்டியிட உள்ளார். அதற்கு தேவைப்படும் பணத்தை ரூ.400 கோடி நிதியை இதன் மூலம் பெருக்க திட்டமிட்டுள்ளார். அதற்காக தான் இந்த நிதி வசூல் செய்யப்படுகிறது.

மாலை மலர்