கண்ணின் மஞ்சள், வெள்ளை விழிப்படலம்

by **சிவா** Thu Nov 27, 2008 2:57 pm

Xanthelasma & Xerophthalmia

ஸாந்திலாஸ்மா என்பதற்கு கிரேக்க மொழியில் மஞ்சள்தட்டு என்று பெயர். இவை சாதாரணமாக கண் இமைகளில் மூக்கின் அருகில் மஞ்சளாக தட்டை வடிவில் இரு கண்களிலும் பல நேரங்களில் சமமாகக் காணப்படும். வயதானவர்களை அதிலும் பெண்களை இது அதிகளவில் பாதிக்கிறது. ஆபத்து இல்லாதது.

சர்க்கரை நோயால் பாதிக்கப்பட்டவர்கள் மற்றும் உடம்பில் அதிகளவு கொலஸ்டிரால் என்று அழைக்கப்படும் கெட்ட கொழுப்புச்சத்து உள்ளவர்களுக்கு இந்த ஸாந்திலாஸ்மா அதிகள அளவில் வருகிறது. மிகமெதுவாக இவை வளர்ந்து பெரிதாகலாம். இப்பாதிப்பால் பார்வைக்கு எந்தவித ஆபத்தும் கிடையாது. அறுவை சிகிச்சை மூலம் இவைகளை எடுத்து விடலாம்.

நமது கண்களின் வெள்ளை விழிக்குக் காரணம் ஸ்கிளிரா என்று அழைக் கப்படும் கண்ணின் வெண்மையான பாகம். இதன்மேல் மெல்லியதாக ஜவ்வு போல் படர்ந்திருப் பதற்குப் பெயர் கன் சன்க்டைவா. இதன் மீது எப்போதும் கண்ணீர் பரவியிருப்ப தால் இது மிளிரும். சில நோய்களின் பாதிப்பால் இந்த ஜவ்வானது தனது மிளிர்வை இழந்து காய்ந்து சுரசுரப்பாகி விடும். இதற்கு ஜீரோசிஸ் அல்லது செராப் தால்மியா என்று பெயர்.

by **சிவா** Thu Nov 27, 2008 3:00 pm

இதன் காரணம், பொதுவாக,

1. கண்களில் கிருமிகளால் வரும் பாதிப்பு.

2. நெருப்பு மற்றும் ரசாயன பொருட்களினால் காயம் ஏற்படுதல்

3. வைட்டமின் ஏ சத்துக்குறைவு.

வைட்டமின்- ஏ உணவில் குறைவாக இருந்தால் கண்களை பலவிதங்களில் பாதிக்கும்.
இரவில் சரியாக பார்வை தெரியாமல் இப்பாதிப்பால் அவதிபடலாம். இதை மாலைக்கண் அல்லது நைட் பிளைண்ட்னெஸ் என அழைப்பர்.

மேலும் சிலருக்கு வெள்ளை விழி ஜவ்வில் காய்ந்து முக்கோண வடிவில் வெள்ளையாக பஞ்சுபோல் புள்ளி தோன்றலாம். இதற்கு பைடாட் ஸ்பாட் என்று பெயர்.

இன்னும் சிலருக்கு வைட்டமின்- ஏ சத்துக்குறைவானது கடுமையாக இருந்தால் கண்ணின் கருவிழியானது பாதிக்கப்பட்டு கண்களில் பூவிழுந்து முழுவதுமாக பார்வை போய் விடும். இதற்கு க்சீராப்தால் மியா என்று பெயர்.

எனவே கண்கள் நன்கு பணியாற்ற வைட்டமின்- ஏ அவசியமிருக்க வேண்டும். காரட், மீன், முட்டை, பால், இவைகளில் இச்சத்து அதிக முள்ளது. வைட்டமின்-ஏ ஊசி மற்றும் மாத்திரைகளை டாக்டர் அறிவுரைப்படி எடுத்துக் கொள்வது நல்லது.

கண்ணின் மஞ்சள், வெள்ளை விழிப்படலம்

கண்ணின் மஞ்சள், வெள்ளை விழிப்படலம்

Re: கண்ணின் மஞ்சள், வெள்ளை விழிப்படலம்